“დედაქალაქების ტურნირზე”, რომელიც 21-22 სექტემბერს პარიზში ჩატარდა, თბილისის სახელით მოასპარეზე საქართველოს 15-წლამდე მორაგბეთა ნაკრებმა მე-4 ადგილი დაიკავა.

ტურნირის პირველ დღეს 15-წლამდელებმა ჯგუფური ეტაპის სამი მატჩი ჩაატარეს – დუბლინთან და ნაირობისთან გაიმარჯვეს, ხოლო ტულუზასთან შეხვედრა კი დათმეს. მე-2 დღეს, ჯგუფური ეტაპის უკანასკნელ მატჩში, თბილისელი მორაგბეები ბუენოს აირესელ თანატოლებს დაუპირისპირდნენ და 17:7 მოიგეს.

მეოთხედფინალში U-15 ბრივის გუნდს შეხვდა და დაძაბულ ბრძოლაში 5:10 დამარცხდა, ხოლო მესამე ადგილისათვის მატჩში, ქეიფთაუნის გუნდმა დაგვამარცხა ანგარიშით – 26:0.

მონაწილე გუნდები: ბრიუსელი, ბუქარესტი, დუბლინი, ჰაიდელბერგი, თბილისი, ნაირობი, ბუენოს აირესი, ჟენევა, პარიზი (ილ დე ფრანსის ნაკრები), სიდნეი, ბრიჯენტი, სკოტიშ ბორდერსი, ვილნიუსი, კეიპტაუნი, ბრივი და ტულუზი

საქართველოს 15-წლამდელთა ნაკრები: რეზი ხარაზიშვილი (კაპ.), ლუკა კალანდაძე, გიორგი კეკელიძე, საბა ჟორჟიკაშვილი, საბა ხურცილავა, აჩიკო ღონღაძე, საბა მინდიაშვილი, თედო აბჟანდაძე, მიხეილ შუბითიძე, დავით მარგველანი, გიორგი კეპულაძე, ნიკა ქართველიშვილი.