მატჩის პირველი ტაიმში გუნდებმა ქულები მხოლოდ საჯარიმოებით დააგროვეს. ტაიმის მიწურულს, როცა ანგარიში თანაბარი (9:9) იყო, ვიქტორ კოლელიშვილის მხრიდან თამაშის წესის დარღვევას მეტოქეებს შორის ხელჩართული ჩხუბი მოჰყვა, შედეგად მსაჯმა კოლელიშვილი და მისი კანადელი ვიზავი მოედნიდან გააძევა, სტუმრებმა კი საჯარიმო გამოიყენეს და შესვენებაზე სამქულიანი უპირატესობით გავიდნენ - 9:12 კანადელთა სასარგებლოდ.

მეორე ტაიმი ქართველმა მორაგბეებმა უფრო აქტიურად დაიწყეს - თედო ზიბზიბაძის ლელოთი და მერაბ კვირიკაშვილის გარდასახვით დაწინაურდნენ - 16:12. დარჩენილ დროში გუნდებმა თითო ჯარიმა გაცვალეს. 

მატჩის ვრცელ მიმოხილვას მოგვიანებით შემოგთავაზებთ