„ვოლაბების“ მთავარ მწვრთნელ მაიკლ ჩეიკას თანამდებობაზე დარჩენა მომავალი მსოფლიო თასის დასრულებამდე სურს, მაგრამ ავსტრალიის რაგბის კავშირი მასთან კონტრაქტის გახანგრძლივებას არ აჩქარობს.
„ძალიან მინდა გუნდში 2019 წლის მსოფლიო თასის დასრულებამდე ვიმუშაო, მაგრამ სამწუხაროდ, ყველაფერი ჩემზე როდია დამოკიდებული. ჩემი მიზანია ხარისხიანად შევასრულო საკუთარი სამუშაო და მიმდინარე კონტრაქტის პირობები. კავშირის ხელმძღვანელობას ვესაუბრე და კმაყოფილები არიან, მაგრამ თანამშრომლობის გაგრძელების წინადადებით ჯერჯერობით არავის მოუმართავს“ - ამბობს ჩეიკა.
48 წლის სპეციალისტის მოქმედ კონტრაქტს ვადა 2017 წლის ბოლოს გასდის. მისი ხელმძღვანელობით ავსტრალიის ნაკრებმა „რაგბი ჩემპიონშიპი“, იგივე ოთხი ერი მოიგო და 2015 წლის მსოფლიო თასის ფინალში ითამაშა.
ზურა ქსოვრელი
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია