“ბათუმმა” “არმაზი” დაამარცხა

ამბები

23:25 | 12.03.2014 | ნანახია 2725 - ჯერ

საქართველოს მორაგბეთა XXIV ეროვნული ჩემპიონატის მე-10-ე ტურის გადადებულ მატჩში, ლეგიონერებით გაძლიერებულმა “ბათუმმა” თბილისის “არმაზი” 26:12 დაამარცხა.

ზღვისპირეთში გამართული მატჩი ძლიერი წვიმის ფონზე წარიმართა, რასაც მასპინძლებმა უკეთ აუღეს ალღო და “ბათუმი” ზვიად ოდიშარიამ ჯარიმით დააწინაურა, მე-19-ე წუთზე გიორგი გოგიტიძემ ლელო გაიტანა, ხოლო 27-ე წუთზე გოჩა ხონელიძემ მეორე ლელო გაიტანა, ოდიშარიამ გარდასახვა გამოიყენა და ანგარიში 15:0 გახდა. ტაიმის ბოლოს ბაჩო ჩხაიძემ ერთი საპასუხო ლელო გაიტანა, რასაც საბა ნიკოლავამ ზუსტი გარდასახვა მიაყოლა და შესვენებამდე 5 წუთით ადრე სხვაობა 8 ქულამდე შემცირდა, მაგრამ დარჩენილ დროში ოდიშარიამ ჯარიმა გაიტანა - 18:7.

მეორე ტაიმის დასაწყისში გოგიტიძე სინბინით დაისაჯა, მაგრამ სტუმრებმა რიცხობრივი უპირატესობა ვერ გამოიყენეს. სამაგიეროდ, 65-ე წუთზე თორნიკე სულაბერიძემ მესამე ლელო მიითვალა და ანგარიში 23:7 გახდა. ოთხ წუთში შეცვლაზე შესულმა გიორგი სოსელიამ ლელოთი ჩამორჩენა ისევ შეამცირა, მაგრამ “არმაზმა” მეტის გაკეთება ვეღარ მოახერხა, ხოლო ოდიშარიამ ტაიმის მიწურულს ჯარიმა ამჯერადაც გაიტანა და “ბათუმმა” 26:12 მოგებით 4 ქულა მიითვალა.

მიუხედავად ამისა, ბათუმელები 10 ქულით მაინც ბოლო ადგილზე არიან, მაგრამ კონკურენტებზე ერთით ნაკლები თამაში აქვთ ჩატარებული და მომდევნო ტურში სწორედ ამ კონკურენტს - “აკადემიას” ბათუმში ეთამაშებიან. “არმაზი” აჭარიდან უქულოდ დაბრუნდა და კვლავ ექვსეულს მიღმა დარჩა, მაგრამ მას “ჯიქებზე ორი თამაშით ნაკლები აქვთ ჩატარებული და 4-ქულიანი ჩამორჩენის აღმოფხვრის კარგი შანსი აქვს.

საქართველოს მორაგბეთა XXIV ეროვნული ჩემპიონატი

X ტური. 12 მარტი (გადატანილი)

ბათუმი. ანგისა. 100 მაყურებელი

ბათუმი (ბათუმი) - არმაზი (თბილისი) 26:12 (18:7)

ბათუმი: 15. ჰემპსონი, 14. სვინტრაძე, 13. გოგიტიძე, 12. ხონელიძე, 11. ბ.ევგენიძე (ნინიძე), 10. ოდიშარია, 9. შამულო; 1. სულაბერიძე (აბესლამიძე), 2. გიგაშვილი, 3. კაიკაციშვილი (მოქია), 4. ნიუვენჰეიზენი, 5. ხელაძე, 6. ცირეკიძე, 7. ალიქაძე (ჰოუვსი), 8. გუგუშვილი.

3 ლელო: გოგიტიძე, ხონელიძე, სულაბერიძე

1 გარდასახვა: ოდიშარია

3 ჯარიმა: ოდიშარია

1 სინბინი: გოგიტიძე

არმაზი: 15. ჩხაიძე, 14. პინაიშვილი (კიკნაძე), 13. კაიფაჯიანი (მაისურაძე), 12. ნიკოლავა, 11. სირაძე, 10. ბროძელი, 9. მისრიაშვილი (აბუსერიძე); 1. ბეჟიაშვილი (ესართია), 2. სოსელია, 3. ბუკია (მარგველანი), 4. ჭელიძე (ბერაძე), 5. არჩუაშვილი, 6. კანდელაკი (ჯიბლაძე), 7. ამირანაშვილი, 8. მინაშვილი.

2 ლელო: ჩხაიძე, სოსელია

1 გარდასახვა: ნიკოლავა

1	ლელო	13	10	0	3	373-153	49
2	აია	13	10	0	3	292-158	46
3	არმია	13	9	1	3	363-212	45
4	ლოკომოტივი	13	9	0	4	298-235	40
5	ყოჩები	13	8	1	4	284-243	38
6	ჯიქები	15	6	2	7	261-232	35
7	არმაზი	13	7	0	6	220-253	31
8	ხარები	14	3	0	11	179-344	15
9	აკადემია	14	1	0	13	151-333	10
10	ბათუმი	13	2	0	11	188-446	10