საქვეყნოდ ცნობილი “ბარბაროსების” შემადგენლობაში კიდევ ერთი ქართველი მორაგბე მოხვდა. ის უელსური “კარდიფის” 31 წლის ბურჯი ანტონ ფეიქრიშვილი გახლავთ, რომელსაც საქართველოს ეროვნულ ნაკრებში 27 მატჩი აქვს ჩატარებული და მის აქტივში 30 ქულაა.
ცნობისთვის, ფეიქრიშვილი უკვე მე-6 ქართველი მორაგბეა, რომელიც “ბარბაროსების” მაისურს მოირგებს. აქამდე, ვარსკლავურ გუნდში მამუკა გორგოძეს, დავით ქუბრიაშვილს, დავით კაჭარავას, მოტე მიქაუტაძესა და მიხეილ ნარიაშვილს უთამაშიათ.
შეგახსენებთ, რომ “ბარბაროსებს” წლის დასკვნითი მატჩი 1 დეკემბერს ელით, როდესაც ლონდონურ “თვიქნემზე” არგენტინის ეროვნულ ნაკრებს გაეჯიბრებიან. შეხვედრა თბილისის დროით 18:30 საათზე დაიწყება. უკვე ცნობილია, რომ ფეიქრიშვილი მარქაფაში იქნება და თამაშში თადარიგიდან ჩაებმება.