საფრანგეთის ნაკრების ახალმა მთავარმა მწვრთნელმა ჟაკ ბრუნელმა 6 ერის ჩემპიონატისთვის შემადგენლობა დაასახელა.

“სამფეროვნების” რიგებში 6 დებიუტანტი გაირჯება: ბურჯები სედატ გომეს სა და დენი პრისო, მესამეხაზელები ფელიქს ლამბი და მარკო ტაულენი, ფულბექი ჟოფრი პალისი და 19 წლის მგეზავი მატიო ჟალიბერი.

ნაკრებს ორწლიანი პაუზის შემდეგ დაუბრუნდა “კლერმონის” გამოცდილი ჰავბექი მორგან პარა (66 სანაკრებო კეპი), რომელსაც 2015 წლის მსოფლიო თასის შემდგომ არ უთამაშია. განაცხადში მყოფი მატიო ბასტარო კი გახსნით მატჩს გამოტოვებს და ამის მიზეზებზე ცალკე ვისაუბრეთ.

ბრუნელმა განაცხადში შემდეგი 32 მოთამაშე შეიყვანა:

შერკინება: ედი ბენ აროსი, იაკოუბა კამარა, ჩამილ ჩეთი, პოლ გაბრილოგესი, სედატ გომეს სა, კევინ გორდონი, გიიომ გირადო, არტურ იტურია, ენტონი ჟელო, ფელიქს ლამბი, უენკესლას ლაურე, სეკუ მაკალუ, ჟეფერსონ პოირო, დენი პრისო, რაბა სლიმანი, მარკო ტაულენი, კრისტოფერ ტოლოფუა, სებასტიენ ვაჰაამაჰინა;

უკანა ხაზი: ენტონი ბელო, ანრი ჩევანსი, ჯონათან დენსი, ჟოფრი დუმარუ, ბრაის დულინი, ანტუან დუპონი, ბენჟამინ ფოლი, მატიო ჟალიბერი, რემი ლამერატი, მაქსიმ მაშნო, ჟოფრი პალისი, მორგან პარა, ტედი ტომასი, ვირიმი ვაკატავა;

2018 წლის 6 ერის პირველი ტურის მატჩში, საფრანგეთის ნაკრები 3 თებერვალს “სტად დე ფრანსზე” ირლანდიის ნაკრებს უმასპინძლებს.