საფრანგეთის ნაკრების და “კლერმონის” მგეზავმა კამილ ლოპესმა უმძიმესი ტრავმა მიიღო და მოედანს დიდი ხნით ჩამოშორდა.

28 წლის მგეზავმა ჩემპიონთა თასის ჯგუფური ეტაპის მეორე ტურში, “ნორთჰემპტონთან” მოგებული (24:7) საშინაო შეხვედრის 23-ე წუთზე კოჭი მოიტეხა და უმალ უახლოეს სავაადმყოფოში იქნა გადაყვანილი. როგორც ირკვევა, კამილი მინიმუმ ხუთი თვე ვერ ითამაშებს.

ამრიგად, ლოპესი მოახლოებულ სანაკრებო ტესტებს და 2018 წლის 6 ერის გათამაშებას გამოტოვებს.

ცნობისთვის, კამილ ლოპესი “კლერმონის” ღირსებას 2014 წლიდან იცავს და 80 მატჩში 490 ქულა აქვს გატანილი, ხოლო საფრანგეთის ნაკრების რიგებში 16 კეპი მოიხვეჭა და 139 ქულა მოიპოვა.