რამდენიმე წუთში კრასნოიარსკში 2016 წლის რუსეთის ჩემპიონატის დასკვნითი, გადამწყვეტი მატჩი იწყება.

ერთი კვირის წინ მოქმედმა ჩემპიონმა, ლაშა მალაღურაძის, მიხეილ წიკლაურისა და ვალერი ცნობილაძის „კრასნი იარმა“, დავით კაჭარავას „ენისეის“ 24:17 მოუგო და ახლა „ცენტრალურზე“ ამ 7-ქულიანი უპირატესობის შენარჩუნებას ეცდება. ნებისმიერ შემთხვევაში, ერთი, ან სამი ქართველი რუსულ ოქროს ჩაიბარებს, თამაშის პირდაპირი სთრიმის ხილვა კი, ამ მისამართზე იქნება შესაძლებელი:

https://www.youtube.com/watch?v=njX-qYHxJSE

მასპინძელთა სასტარტო შემადგნელობაში 12-ნომრადაა კაჭარავა, ხოლო „კრასნი იარის“ ხელმძღვანელობა შემადგენლობას ასაიდუმლოებს, თუმცა ძნელად სავარაუდოა წინა მატჩთან შედარებით ცვლილებები მრავლად იყოს. ერთი კვირის წინ „იარის“ სამივე ქართველი სასტარტო შემადგენლობაში იყო და მალაღურაძე გუნდს 14 ქულით შეეწია.

ზურა ქსოვრელი