საქართველოს მორაგბეთა ეროვნული ნაკრებისა და “ტულონის” მეორეხაზელი კოტე მიქაუტაძე მომავალი სეზონიდან კარიერას “მონპელიეში” გააგრძელებს.

ფრანგული პრესის ცნობით, მხარეებმა შეთანხმებას უკვე მიაღწიეს და 24 წლის მორაგბემ ახალ კლუბთან 2-წლიანი წინასწარი შეთანხმება გააფორმა. ამრიგად, 2-მეტრიანი ქართველი ყოფილ დამრიგებელთან, სამხრეთაფრიკელ ჯეკ უაიტთან იმუშავეს და სიტალეკი ტიმანი უნდა შეცვალოს, რომელიც “მონპელიედან” “კლერმონში” გადადის.

მიქაუტაძე “ტულონში” 2010 წლიდან ირიცხება და ტოპ 14-ის მიმდინარე სეზონში ხუთ და ჩემპიონთა თასის ერთ მატჩში მიიღო მონაწილეობა. 2010 წლიდან დღემდე, მიქაუტაძემ საქართველოს ეროვნულ ნაკრებში 40 თამაში ჩაატარა და 2 ლელო გაიტანა. მან “ბორჯღალოსანთა” ღირსება 2015 წლის მსოფლიო თასზეც დაიცვა.