ბორჯღალოსნები

16:47 | 7.02.2021 | ნანახია 1911 - ჯერ

"ბორჯღალოსნებმა" რუსეთი ზედიზედ მე-19-ედ დაამარცხეს

რაგბის ევროპის ჩემპიონატის ორჯერ გადადებული მატჩი საქართველოსა და რუსეთის ნაკრებებს შორის, როგორც იქნა ჩატარდა. „მიხეილ მესხზე“ ლევან მაისაშვილის გუნდმა პრინციპულ მეტოქეს უმასპინძლა და გამარჯვებათა სერია გაარგძელა.

თუმცა, თამამად შეიძლება ითქვას, რომ თამაშის ხარისხი კრიტიკას ვერ უძლებდა და ალბათ, ძნელი გასახსენებელია, ბოლოს როდის გაგვიჭირდა ასე ძალიან „დათვების“ ძლევა. პირველ ტაიმზე სათქმელიც არაფერია, „ბორჯღალოსნებს“ არაფერი შეუქნიათ და რუსებმა ერთხელ ჯარიმა ააცილეს. ეს იყო და ეს, ლოგიკური 0:0...

მეორე ტაიმის სტარტზე ვასილ ლობჟანიძემ მეტოქის დაცვა გაარღვია და ჩათვლის მოედანში ბურთი დაამიწა - 5:0. გარდასახვა თედო აბჟანდაძემ ზუსტად დაარტყა,რასაც 5 წუთში ჯარიმაც მიაყოლა და 10:0. თუმცა, როგორც ვთქვით, ქართველ მორაგბეებს დალხენილი ცხოვრება არ ჰქონიათ და სულ მალე სხვაობა შემცირდა. ფედოტკომ ლელო მიითალა, ხოლო გაისინმა ზუსტად გარდასახა და მხოლოდ 3-ქულიანი უპირატესობა დარჩა.

საქართველოს ნაკრებმა თამაშის ბოლოს მაინც მოახერხა ვითარების დამშვიდება და ეს თედო აბჟანდაძის ორი ჯარიმის დამსახურებაა. შედეგად, 16:7. „ბორჯღალოსნებმა“ რაგბი ევროპის გათამაშებაში ხუთივე თამაში მოიგეს და გათამაშების ჩემპიონები გახდნენ. ვთქვათ ისიც, რომ საქართველოს ნაკრებმა რუსეთის ნაკრები ზედიზედ მე-19-ედ და ისტორიაში 22-ედ დაამარცხა.

საქართველო - რუსეთი 16:7 (0:0)

ქულები: ლობჟანიძე (46, ლ), აბჟანდაძე (47, გ), აბჟანდაძე (53, ჯ), ფედოტკო (61, ლ), გაისინი (62, გ), აბჟანდაძე (66, ჯ), აბჟანდაძე (75, ჯ)


კომენტარები (3)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
10:57 | 08.02.2021
გუსანი (25)

უსუსური თამაში... ფეხბურთელებთან სოლიდარობით....?! საით მიექანება ქვეყანა, სპორტი და ხალხი ?! სრულ ფიასკოსთან ზღვარზეა საქართველო, ასეთ დროს კი რა არის საჭირო.?!... ისტორიაში გაკვეთილები არსებობს..... ალბად ყველას თავისი ვერსია ექნება...

17:55 | 07.02.2021
NIKA..01 (333)

ღორების წინსვლის რა გითხრათ,მაგრამ მთავარი ისაა რომ ჩვენ საშინლად ვითამაშეთ.მჭედლიძე საერთოდ სხვა პლანეტაზე იყო,ჟვანიას დგომი შერკინებაში ცალკე თემაა.ზოგადად შეტევაში სრული უუნარობა,დისციპლინის იგივე პრობლემები რაც ათწლეულებია გვაქვს,მოლში იგივე პრობლემები,შერკინებაში იგივე,მოკლედ სამწუხაროდ მე ვერ დავინახე რამე კეთილსაიმედო((

17:24 | 07.02.2021
dinamo222 (689)

ვაი ასეთ მოგებაას @ ასე თუ გაგრძელდა მალე რუსები მოგვიგებენ იმიტომ რომ ისინი წინ მიდიან ჩვენ კი უკან უკან ვიხევთ ბოლო 3-4 წელია @

0.109034