ერთა თასი

16:43 | 17.03.2018 | ნანახია 3005 - ჯერ

შემადგენლობა ფინალისთვის

ბორჯღალოსანთა სამწვრთნელო შტაბმა 2018 წლის რაგბი ევროპის ჩემპიონატის დასკვნითი, ფინალური მატჩისთვის 23-კაციანი შემადგენლობა დაასახელა.

ორი თასი

18 მარტს მილთონ ჰეიგის შეგირდებს "დინამო არენაზე" ორი თასი აქვთ დასაბრუნებელი. შარშან ბუქარესტში, რუმინეთმა მინიმალური სხვაობით იმარჯვა (8:7) და ბორჯღალოსნებთან 7-მატჩიანი მოუგებელი სერია შეწყვიტა, რითაც რაგბი ევროპის ჩემპიონის ტიტული და ჩვენს შორის საზიარო „ანთიმოზ ივერიელის სახელობის“ თასი თავისთან დაიტოვა.

შარშანდლამდე, უკანასკნელი 6 წლის განმავლობაში (2011-2016) ეს ორივე თასი საქართველოში იზამთრებდა და ახლა ბორჯღალოსნების უმთავრესი მიზანი მათი შინ დაბრუნებაა.

ამისათვის ერთი მარტივი გზა არსებობს - თამაშის მოგება. ეს ერთადერთი გზაა „ანთიმოზ ივერიელის“ თასის შინ დასაბრუნებლად. საქართველო და რუმინეთი, საზიარო თასისთვის 2002 წლიდან იბრძვიან და დღემდე ბორჯღალოსნებმა ის 10-ჯერ, ხოლო რუმინელებმა 6-ჯერ შემართეს. საკუთარი გულშემატკივრის წინაშე ბორჯღალოსნები მოედანზე ორივე თასის დაბრუნებისთვის იბრძოლებენ!

ნაცადი შემადგენლობით

გასულ შაბათს კრასნოდარში რუსეთთან 29:9 მოგების შემდეგ, ჰეიგმა შემადგენლობაში ერთი ცვლილება განახორციელა.

პირველ ხაზში ანტონ ფეიქრიშვილის ნაცვლად ბრუნდება ბურჯი ლევან ჩილაჩავა. ის მიხეილ ნარიაშვილსა და შალვა მამუკაშვილს შეუწყვილდება. წლევანდელ რაგბი ევროპაზე ამ სამეულმა ორი თამაში დაიწყო - გერმანიასთან და ესპანეთთან. პირველი ხაზის მარქაფაში ის სამეულია, რომლებმაც კრასნოდარში ითამაშეს - ბადრი ალხაზაშვილი, კახა ასიეშვილი და გიორგი მელიქიძე.

უცვლელი დარჩა შერკინების მეორე და მესამე ხაზი. გუნდის კაპიტან გიორგი ნემსაძეს კვლავ ნოდარ ჭეიშვილი შეუწყვილდება, ფლანკერები კოკი თხილაიშვილი და ვიტო კოლელიშვილი არიან, ხოლო შერკინების შემკვრელი ლაშა ლომიძეა.

დარჩა ღერძი და უკანა ხაზი. 9-10 ნომრებზე შესაბამისად ვასილ ლობჟანიძე და ლაშა ხმალაძე იდგებიან; ცენტრში გიორგი კვესელაძე და დავით კაჭარავა, ხოლო ფრთებზე ანზორ სიჭინავა და სოსო მათიაშვილი.

მერაბ კვირიკაშვილი 18-ში თავის 110-ე კეპს მოიხვეჭს და მსოფლიოს მასშტაბით, ნაკრების კვართით ჩატარებული მატჩების რაოდენობით 25-ე პოზიციამდე აღზევდება. ამავე სიაში 28-ე ადგილზე დაწინაურდება კაჭარავა, რომელსაც „მეკოზე“ ერთით ნაკლები კეპი აქვს.

მეორე ხაზის მარქაფაში შალვა სუთიაშვილია, მესამე ხაზს მიხეილ გაჩეჩილაძე გააძლიერებს, 9 ნომერზე გელა აფრასიძე შევა, ხოლო ხაზში - ლაშა მალაღურაძე და ალექსანდრე თოდუა.

სტატისტიკა, თამაშები და ქულები

რუმინეთს პირველად 20 წლის წინ (1998), დუბლინში (ირლანდია) 1999 წლის მსოფლიო თასის შესარჩევში ვეთამაშეთ და გამარჯვება მეტოქეს დარჩა (27:23), 2000 წლიდან კი, ‘სტეჟარს’ რაგბი ევროპის ჩემპიონატზე რეგულარულად ვხვდებით.

სტატისტიკას თუ გადავხედავთ, ურთიერთშეხვედრების პირველ ნახევარში უპირატესობა მეტოქის მხარეს იყოს. პირველ 9 წელიწადში, 2006 წლამდე, 7-ჯერ გამარჯვება მეტოქეს დარჩა, ჩვენ კი მხოლოდ 2-ჯერ ვიმარჯვეთ - 2001 წელს ბუქარესტში 31:20 და 2005 წელს ეროვნულზე 20:13.

2007 წლიდან სიტუაცია რადიკალურად შეიცვალა და რუმინეთი 9-ჯერ დავამარცხეთ, ერთი შეხვედრა ფრედ დავასრულეთ, ორი თამაში კი მეტოქის სასარგებლოდ დასრულდა.

"სტეჟარს" სარეკორდო სხვაობით 2016 წელს, "დინამო არენაზე" მოვუგეთ. ბორჯღალოსნებმა გაიტანეს ერთი მატჩისთვის რეკორდული - 6 ლელო, თავად ლელო არ მიუღიათ და ლამაზ სტილში, 38:9 იმარჯვეს. საქართველომ რუმინეთთან ყველაზე მნიშვნელოვანი გამარჯვება 2011 წლის მსოფლიო თასზე, პამერსთონში (ახალი ზელანდია) მოიპოვა - 25:9, რაც იმ დროისთვის სარეკორდო სხვაობა იყო.

სულ რუმინეთი 21 შეხვედრიდან დავამარცხეთ 11-ჯერ, ხოლო ერთი მატჩი ფრედ დასრულდა. ლელოთა თანაფარდობა 34/30-ზეა ჩვენს სასარგებლოდ, ქულების - 392:356.

საქართველოს ბორჯღალოსნები

"რაგბი ევროპა" | ბოლო, V რაუნდი | ანთიმოზ ივერიელის თასი | – რუმინეთი

კვი 18/03 2018 | თბილისი, დინამო არენა | 16.00

1989 - 2017 206 ტესტი | 252 ბორჯღალოსანი | სრულად

No

სახელი და გვარი

კლუბი

დაბ

ბრჯ

მონაგარი

უკანა ხაზი [ბექები]

15

მერაბ კვირიკაშვილი

ლელო სარასენს [საქ დ 10]

1983

109

16ლ 147გ 150ჯ 3ა [833 ქ] 5სბ

14

ანზორ სიჭინავა

აკადემია [საქ დ 10]

1995

5

2ლ სბ

13

დავით კაჭარავა

ენისეი [რუს სუპერ]

1985

108

22ლ [4 კაპ] 3სბ

12

გიორგი კვესელაძე

მარნეულის არმაზი [საქ დ 10]

1997 6

3ლ

11

სოსო მათიაშვილი

კრასნი იარ [რუს სუპერ]

1993 8

4ლ 14გ 10ჯ [78 ქ]

10

ლაშა ხმალაძე

ბათუმი [საქ დ 10]

1988

61

8ლ 4გ [48 ქ]

9

ვასილ ლობჟანიძე

ბრივ [სფრ ტოპ 14]

1996

31

5ლ

შერკინება [ფორვარდები]

1

მიხეილ ნარიაშვილი

მონპელიე [სფრ ტოპ 14]

1990

50

2ლ სბ

2

შალვა მამუკაშვილი

ლოკომოტივი [საქ დ 10]

1990 53

5ლ სბ

3

ლევან ჩილაჩავა

ტულონ [სფრ ტოპ14]

1991

38

7ლ სბ

4

გიორგი ნემსაძე^კაპ

ბრისთოლ [ინგ ჩემპ]

1984

80

13ლ [4 კაპ] 5სბ

5

ნოდარ ჭეიშვილი

შონბრი [სფრ ფედ1]

1990

10

:

6

გიორგი თხილაიშვილი

ბათუმი [საქ დ 10]

1991

44

10ლ სბ

7

ვიტო კოლელიშვილი

კლერმონ [სფრ ტოპ 14]

1989

47

4ლ [1 კაპ] 2წბ 6სბ

8

ლაშა ლომიძე

ლონდონ აირიშ [ინგ პრემ]

1992

40

5ლ + 2შ სბ

თადარიგი [რეზერვი]

23

სანდრო თოდუა

ლელო სარასენს [საქ დ 10]

1987

70

9ლ 2სბ

22

ლაშა მალაღურაძე

კრასნი იარ [რუს სუპერ]

1986

83

4ლ 40გ 25ჯ 3ა [184 ქ] 2სბ

21

გელა აფრასიძე

მონპელიე [სფრ ტოპ 14]

1998

7

:

16

ბადრი ალხაზაშვილი

ტულონ [სფრ ტოპ 14]

1995

8

:

17

კახა ასიეშვილი

ბრივ [სფრ ტოპ 14]

1987

30

4ლ

18

გიორგი მელიქიძე

სტად ფრანსეზ [სფრ ტოპ 14]

1996

6

19

შალვა სუთიაშვილი

ანგულემ [სფრ პრო დ2]

1984

65

2ლ [15 კაპ] 3სბ

20

მიხეილ გაჩეჩილაძე

ენისეი [რუს სუპერ]

1990 4

2ლ

საქართველოს რაგბის კავშირის პრესსამსახური


კომენტარები (4)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
15:20 | 18.03.2018
წინ ბათუმი-ს დინამო!!! (4)

რომელ საათზეა და რომელი არხი აჩვენებს ძმებო?

08:45 | 18.03.2018
პანტელეიმონი (1191)

ბორჯღალოსნებო, დღეს ლაღად, ლამაზად, დამაჯერებლად უნდა გავიმარჯვოთ ! ! !

19:11 | 17.03.2018
dinamo222 (661)

კარგი შემადგენლობაა წესით მინიმუმ 20 ქულით უნდა მოვიგოთ !

18:26 | 17.03.2018
GENESIS (39)

ჰეიგს ეტყობა რუსეთთან თამაში, ძალიან მოეწონა..

0.082183