ამბები

16:57 | 28.12.2020 | ნანახია 1024 - ჯერ

ლაშა მაჭავარიანი | პირველი ქართველი მსოფლიო რაგბის სადისციპლინო კომიტეტში

რაგბის კავშირის სადისციპლინო კომიტეტის წევრი ლაშა მაჭავარიანი პირველი ქართველია, რომელიც მსოფლიო რაგბის სადისციპლინო კომიტეტის წევრი გახდა.

32 წლის სპეციალისტი მსოფლიო რაგბის პანელზე დაახლოებით ერთი წლის წინ წარადგინეს. შესარჩევი კონკურსის გავლის შემდეგ, ლაშას ტესტირებას ირლანდიელი სპეციალისტები უტარებდნენ. იგეგმებოდა მისი მივლინება ახალგაზრდულ ჩემპიონატებზე, მაგრამ ტურნირები კოვიდ-პანდემიის გამო ჩაიშალა. მიუხედავად ამისა, ყველაფერი წატრმატებით დასრულდა და ლაშა მაჭავარიანი 2021 წლიდან თამაშებს „მსოფლიო რაგბის“ ეგიდით დააკვირდება:

„პირადად ჩემთვის ეს დიდი პატივი და პასუხისმგებლობაა, ხოლო ქართული რაგბისთვის – დაფასება. ევროპაში სპორტული კუთხით მეშვიდე ადგილზე ვართ, მაგრამ საქართველო სათანადოდ ჯერ კიდევ არაა წარდგენილი მსოფლიო რაგბში. დიდი მადლობა საქართველოს რაგბის კავშირს და სადისციპლინო კომიტეტს ჩემი წარდგენისთვის, ასევე მადლობა ყველას, ვინც ჩემს განვითარებაში მიიღო მონაწილეობა.“ – განაცხადა ლაშა მაჭავარიანმა.

RUGBY.GE


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.076897