საქართველოს 20-წლამდე მორაგბეთა ნაკრები არგენტინაში მიმდინარე მსოფლიო ჩემპიონატზე დასკვნით შეხვედრას ხვალ, 22 ივნისს ჩაატარებს, უმცროსი “ბორჯღალოსნების” მეტოქე კი იტალია იქნება.
სიახლე ისაა, რომ მსოფლიო რაგბმა მომავალი მატჩის დაწყების დრო შეიცვალა და ის ფინალის პარალელურად, თბილისის დროით 22:30 საათზე აიღებს სტარტს. შეგახსენებთ, რომ თავდაპირველი ვერსიით, საქართველო-იტალიის შერკინება როსარიოში 20:00 საათზე გახლდათ დაგეგმილი.
აღნიშნული ცვლილების გათვალისწინებით, მსოფლიო პირველობის ფინალური დღის სრული განრიგი ასე გამოიყურება:
17:30 ინგლისი – უელსი (მე-5 ადგილისთვის)
17:30 შოტლანდია – ფიჯი (მე-11 ადგილისთვის)
20:00 არგენტინა – სამხრეთ აფრიკა (მე-3 ადგილისთვის)
20:00 ირლანდია – ახალი ზელანდია (მე-7 ადგილისთვის)
22:30 ავსტრალია – საფრანგეთი (ფინალი)
22:30 იტალია – საქართველო (მე-9 ადგილისთვის)
ვთქვათ ისიც, რომ მე-5 ადგილისთვის მატჩს, რომელშიც ერთმანეთს ინგლისი და უელსი დაუპირისპირდებიან, ქართველი რეფერი ნიკა ამაშუკელი განსჯის.
შეგახსენებთ, რომ ამაშუკელი მიმდინარე ტურნირზე მოედნის მსაჯი ორჯერ გახლდათ, ხოლო ორი სათამაშო დღე კიდის არბიტრი იყო და ყველა შემთხვევაში მაღალი შეფასება მიიღო.