გუშინ კლერმონთან ახლოს მდებარე სამთო კურორტ ბესიში წილისყრა შედგა, რომლის შედეგადაც გაირკვა, რომ დღეს საქართველოს 19-წლამდელთა ნაკრები თბილისის დროით 19:00 საათზე ლესთერ თაიგერსის 20-წლამდელთა გუნდს ეთამაშება, 21:00 საათზე კი, მასპინძელი კლერმონის 20-წლამდელები მანსთერელ თანატოლებს შეხვდებიან.

19-წლამდე ბორჯღალოსნებისა და ლესთერ თაიგერსის მატჩების ტექსტური ლაივი იწარმოებს ასევე ზემოხსენებულ ფესიბუქის გვერდზე https://www.facebook.com/GeorgianRugbyUnion

აკადემიების გამოწვევა – საერთაშორისო ტურნირი

შეგახსენებთ, რომ 19-წლამდე ბორჯღალოსნები 25 აგვისტოს გაემგზავრნენ კლერმონში, სადაც 26 და 29 აგვისტოს იმართება პირველი საერთაშორისო ტურნირი ადგილობრივი კლერმონის, ირლანდიური მანსთერის, ინგლისური ლესთერ თაიგერსის 20-წლამდელთა გუნდების და საქართველოს 19-წლამდელთა ნაკრების მონაწილეობით.

საქართველოს 19-წლამდელთა სამწვრთნელო შტაბის განცხადებით, ტურნირი  ევროპის ასაკობრივი ჩემპიონატისთვის მოსამზადებელ კარგ შესაძლებლობად განიხილება. გარდა ამისა, ასაკით უფროს და მაღალი დონის მოწინააღმდეგე გუნდებთან თამაში, უმცროს ბორჯღალოსნებს საერთაშორისო გამოცდილებას შემატებს.

შეხვედრების ვიდეო ჩანაწერი განთავსდება საქართველოს რაგბის კავშირის ოფიციალურ youtube.com და myvideo.ge არხებზე მატჩის გამართვიდან მეორე დღეს შემდეგ ბმულებზე:

https://www.youtube.com/user/georgianrugby

http://www.myvideo.ge/GeorgiaRugbyUnion

სამწვრთნელო შტაბი: ლადო კილასონია - მწვრთნელი, ზურა ამონაშვილი - მწვრთნელი, გიგა გურეშიძე - მწვრთნელი, გიორგი ნადარეიშვილი - ფიზმომზადების მწვრთნელი, ირაკლი შაორშაძე - ფიზიო, ილია ლათიბაშვილი - ექიმი, ოთარ იაშვილი - გუნდის მენეჯერი, დავით რამიშვილი - ვიდეო ანალიტიკოსი.

U19 საქართველოს შემადგენლობა ლესთერ თაიგერს U20-ის წინააღმდეგ

15. გიორგი ბაბუნაშვილი, 14. დავით გულიტაშვილი, 13. გიორგი კოშაძე, 12. თემურ ირემაძე, 11. ბადრი ლიპარტელიანი, 10. რეზი ჯინჭველაშვილი, 9. ვასილ ლობჟანიძე.

1. ნიკა ნეფარიძე, 2. ბადრი ალხაზიშვილი, 3. გიორგი მელიქიძე, 4. როლანდ კვაჭაძე, 5. ოთარ გიორგაძე, 6. ბესიკ ბარბაქაძე, 7. ბადრი დანგაძე, 8. ჟორა მღებრიშვილი.

მარქაფა: თორნიკე მატარაძე, თორნიკე მანაგაძე, ბექა კაკაბაძე, თორნიკე ზოიძე, დავით პაპავაძე, გივი ლოსაბერიძე, დავით ლობჟანიძე, ლაშა საჯაია, თორნიკე ბუბუტეიშვილი, რატი შანიძე, ბექა ნონიაშვილი, ლაშა ბრეგვაძე.

www.rugby.ge