სამხრეთ აფრიკის ნაკრების მთავარმა მწვრთნელმა ალისტერ კუციამ ნოემბრის ტესტებისთვის 34 მოთამაშე გამოიძახა.

54 წლის სპეციალისტმა “ქურციკების” რიგებში ოთხი ახალი მოთამაშე იხმო. აფრიკელთა რაზმში 19 მორკინალი და 15 უკანახაზელია. ისინი ტრავმების გამო კაპიტან უორენ უაითლის (8 ნომერი), იაკო კრილს (ფლანკერი), ფრანს მალჰერბს (ბურჯი), სბუ ნკოსს (ფრთა), რუან კომბრინკს (ფრთა) და იან სერფონტეინს (შუამარბი) მოისაკლისებენ.

აფრიკელთა შემადგენლობა ასეთია:

შერკინება

ბურჯები: სტივენ კიტსჰოფი (19 კეპი), რუან დრეიერი (4), კუნი ოსტჰეიზენი (29), ტენდაი მტავარირა (95), ტრევორ ნიაკანე (34), უილკო ლოუ (1);
კვაჭები: მალკოლმ მარქსი (11), მბონგი მბონამბი (11), ჩილიბოი რალეპელე (22);
მეორე ხაზი: ლუდ დე იახერი (32), პიტერ-სტეფ დუ ტოი (29), ებენ ეცებეთი (კაპიტანი, 63), ფრანკო მოსტერტი (15);
მესამე ხაზი: უზაირ კასიემი (6), დენ დუ პრეზი (0), ჟან-ლუკ დუ პრეზი (10), სიია კოლისი (25), ფრანსუა ლოუ (54), ოუპა მოჰოჯე (17);

უკანა ხაზი

ჰავბექები: როს კრონიე (6), რუდი პეიჯი (11), ლუის შრედერი (0);
მგეზავები: ელტონ იანტისი (20), ქერვინ ბოში (1), ანდრე პოლარდი (22);
შუამარბები: ლუკანიო ამი (0), დამიან დე ალენდე (27), ჯესი კრილი (25), ფრანსუა ვენტერი (3);
ფრთები: ქორნალ სკოსანი (9), რეიმონდ რულე (7), დილინ ლეიდსი (5);
ფულბექები: ადრიეს კუცია (9), უარიკ გელანტი (0).

გეტყვით, რომ სამხრეთ აფრიკის ნაკრები ევროპაში ოთხ ტესტს გამართავს. 11 ნოემბერს დუბლინში ირლანდიას ეწვევიან, 18-ში პარიზში საფრანგეთს ესტუმრებიან, 25-ში პადოვაში იტალიას დაუპირისპირდებიან, ხოლო 2 დეკემბერს კარდიფში უელსს შეერკინებიან.