სამხრეთ აფრიკის რაგბის კავშირს გადაუწყვეტია, რამდენიმე ადგილობრივი გუნდი ინგლისურ-უელსურ თასზე მონაწილეობისთვის ევროპაში მიავლინოს.
საბოლოო გადაწყვეტილება რამდენიმე ხანში, ოქტომბრის ბოლოს გამოცხადდება. სამხრეთაფრიკული რაგბის და ხსენებული ბრიტანული ტურნირის მესვეურები ამ ეტაპზე შეჯიბრებაში მონაწილეობის კანდიდატებს განიხილავენ. საქმეს ისეთი პირი უჩანს, რომ 2019-2020 წლების სეზონში ინგლისურ-უელსური თასის გათამაშებაში ორი სამხრეთაფრიკული ფრენჩაიზი ჩაებმება, რომელთა შემადგენლობები ქარის თასზე მოასპარეზე მორაგბეებით დაკომპლექტდება.
ეს იქნება მეორე ევროპული საკლუბო ტურნირი, რომელშიც სამხრეთ აფრიკის კლუბებიც ითამაშებენ. მიმდინარე სეზონიდან „კინგსი“ და „ჩიტასი“ პრო 12-ს შეუერთდნენ და ამიერიდან ამ შეჯიბრებას პრო 14 ეწოდება.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
საინტერესოა, სუპერ რაგბიდან გამოაგდეს?
ჩიტასი და კინგსი კი