ავჭალის სტადიონზე მსოფლიოს 20 წლამდელთა ჩემპიონატის მეორე ტურის მატჩში ავსტრალიის ნაკრებმა სამოა ბრძოლაში დაამარცხა.

პირველ ტურში სამოა ინგლისის ნაკრებთან 17:74 დამარცხდა და მათგან ასეთი კარგი თამაში ცოტა მოულოდნელობა გახლდათ. სამოამ პირველ ტაიმში სულაც 10:8 დაამარცხა მრისხანე მეტოქე.

მეორე ნახევარში “ვოლაბები” გამოცოცხლდნენ, ოცწუთიან მონაკვეთში სამი ლელო დადეს და ანგარიში 27:10 გახდა. დარჩენილ დროში სამოამ ერთი ლელო დადო და ორი ჯარიმა გაიტანა, რასაც ავსტრალიელებმა ორი ჯარიმით უპასუხა და შეხვედრა 33:26 დასრულდა.

ავსტრალიას 9 ქულა აქვს და ლიდერია, ხოლო სამოა 1 ქულით ბოლო ადგილზეა.