მამუკა გორგოძისა და ლევან ჩილაჩავას “ტულონის” პრეზიდენტმა მურად ბუჯელალმა თანამდებობის დატოვება გადაიფიქრა. ალჟირელი ბიზნესმენი ბოლო დროს აცხადებდა, რომ საფრანგეთის ვიჩე-ჩემპიონი კლუბის გაყიდვას აპირებს, მაგრამ ახლა ირკვევა, რომ მას გეგმები შეეცვალა.

“გადავწყვიტე, კლუბი აღარ გამეყიდა. ვრჩები”, - თქვა ბუჯელალმა.

ცნობისთვის, მურად ბუჯელალმა “ტულონი” 2006 წელს შეიძინა. მის ხელში კლუბი პრო დ2-დან ტოპ 14-ში აღზევდა და 2014-ში საფრანგეთის ჩემპიონი გახდა, ხოლო 2013, 2014 და 2015 წლებში ჩემპიონთა თასიც დაისაკუთრა.