რუსეთის სუპერ-ლიგის პირველ ფინალურ მატჩში, დღეს, თბილისის დროით 13 საათზე „კრასნი იარი“ „ენისეის“ შეხვდება.

შეგახსენებთ, რომ ორივე გუნდი კრასნოიარსკისაა და პირველი თამაში მოქმედი ჩემპიონის, „კრასნი იარის“ სტადიონზე გაიმართება, ხოლო განმეორებითი 1 ოქტომბერსაა დანიშნული. მასპინძელთა სასტარტო შემადგენლობაშია სამივე ქართველი ლეგიონერი - ლაშა მალაღურაძე, რომელიც შუამარბის პოზიციიდან საბოლოოდ გადაიყვანეს მგეზავად, ბურჯი მიხეილ წიკლაური და კვაჭი ვალერი ცნობილაძე, რომელიც ცოტა ხხნის წინ რუსეთის ნაკრების ღირსებას იცავდა.

„ენისეიმ“ რეგულარული გათამაშება პირველ ადგილზე დაასრულა და ფინალშიც ფავორიტია. გუნდის სასტარტო შემადგენლობაშია შუამარბი დავით კაჭარავა, რომელიც 11 ლელოთი სუპერ-ლიგის საუკეთესო მელელოვეთა ცხრილს ლიდერობს. ის ბომბარდირთა საერთო სიაში მე-8 ადგილზეა. ბომბარდირთა დავაში 79 ქულით მეოთხეა მალაღურაძე.

https://www.youtube.com/watch?v=_n4XRVsJias

ზურა ქსოვრელი