მსოფლიო სერიის ბოლოსწინა, მე-9 ეტაპის ჯგუფური ეტაპი წარუმატებელი აღმოჩნდა ბრიტანული გუნდებისთვის. ინგლისმა, შოტლანდიამ და უელსმა ჯგუფებში მესამე-მეოთხე ადგილები დაიკავეს და თასისთვის ბრძოლას ნაადრევად გამოეთიშნენ.
პირველ ჯგუფში ყველაფერი ლოგიკურად დასრულდა. ერთი ეგაა, პირველი ადგილისთვის მატჩში კენია ახალ ზელანდიას 17:7 უგებდა, მაგრამ ბოლო წუთზე ლელო გაუშვა, დამატებულ წუთებზე მესამე ლელო მიიღო და გარდასახვით დამარცხდა. მაგრამ კენია სინგაპურის ეტაპის გამარჯვებულია და აბა მისგან წარმატებები ვიღას უნდა გაუკვირდეს.
მეორე ჯგუფში კუნძულელებმა - ფიჯიმ და სამოამ, შოტლანდიას და უელსს მორიგეობით სძლიეს და თავად თასისთვის ბრძოლას აგრძელებენ, ხოლო ბრიტანელები ქვედა რვეულში გაისტუმრეს. სქოთებს სამოასთან გამარჯვების შანსი ჰქონდათ, მაგრამ დასკვნით 2 წუთში ორი ლელო მიიღეს და 12:17 დამარცხდნენ.
მესამე ჯგუფში ინგლისს სამხრეთ აფრიკამ და ავსტრალიამ აჯობეს. ბრიტანელებმა ავსტრალიას ტაიმი 14:12 მოუგეს, მაგრამ მერე ბევრით ჩამორჩნენ და სხვაობა ბოლოსღა შეამცირეს.
საკუთარი მოედნის უპირატესობა შეირგო საფრანგეთმა, რომელმაც ჯგუფში პირველი ადგილი დაიკავა. აქ დიდი გამოხმაურება მოყვა საფრანგეთისა და აშშ-ს დაპირისპირებას. 92 წლის წინ, ზაფხულის ოლიმპიადაზე, ამერიკელებმა საფრანგეთს პარიზში მოუგეს და ოლიმპიური ოქრო მოიგეს. ახლა 7-კაცა ნაკრებების ფორმაციის გუნდებით, ეს ნაკრებები კვლავ პარიზში შეიბნენ და ფრანგების 24:12 მოგება გულშემატკივრებმა იმ შორეული მარცხის რევანშად მიიღეს.
ჯგუფური ეტაპის შემდეგ, ტურნირის საუკეთესო მელელოვე სამხრეთ აფრიკელი სეაბელო სენატლაა, რომელმაც სამ თამაშში 8 ლელო დადო.
2015/2016 წლების მსოფლიო სერია 7-კაცა რაგბიში
IX ეტაპი. საფრანგეთი. პარიზი. ჯგუფური ეტაპი
A ჯგუფი
კენია - პორტუგალია 29:14
ახალი ზელანდია - რუსეთი 35:10
კენია - რუსეთი 22:7
ახალი ზელანდია - პორტუგალია 31:0
პორტუგალია - რუსეთი 10:17
კენია - ახალი ზელანდია 17:19
| 1. | ახალი ზელანდია | 3 | 3 | 0 | 0 | 85:27 | 9 |
|
| 2. | კენია | 3 | 2 | 0 | 1 | 68:40 | 7 |
|
| 3. | რუსეთი | 3 | 1 | 0 | 2 | 34:67 | 5 |
|
| 4. | პორტუგალია | 3 | 0 | 0 | 3 | 24:77 | 3 |
B ჯგუფი
ფიჯი - შოტლანდია 38:12
სამოა - უელსი 52:10
ფიჯი - უელსი 33:14
სამოა - შოტლანდია 17:12
შოტლანდია - უელსი 35:7
ფიჯი - სამოა 42:5
| 1. | ფიჯი | 3 | 3 | 0 | 0 | 113:31 | 9 |
|
| 2. | სამოა | 3 | 2 | 0 | 1 | 74:64 | 7 |
|
| 3. | შოტლანდია | 3 | 1 | 0 | 2 | 59:62 | 5 |
|
| 4. | უელსი | 3 | 0 | 0 | 3 | 31:120 | 3 |
C ჯგუფი
სამხრეთ აფრიკა - ინგლისი 24:5
ავსტრალია - ბრაზილია 38:0
სამხრეთ აფრიკა - ბრაზილია 30:7
ავსტრალია - ინგლისი 24:19
ინგლისი - ბრაზილია 38:12
სამხრეთ აფრიკა - ავსტრალია 31:0
| 1. | სამხრეთ აფრიკა | 3 | 3 | 0 | 0 | 85:12 | 9 |
|
| 2. | ავსტრალია | 3 | 2 | 0 | 1 | 62:50 | 7 |
|
| 3. | ინგლისი | 3 | 1 | 0 | 2 | 62:60 | 5 |
|
| 4. | ბრაზილია | 3 | 0 | 0 | 3 | 19:106 | 3 |
D ჯგუფი
არგენტინა - აშშ 36:0
საფრანგეთი - კანადა 42:5
არგენტინა - კანადა 28:7
საფრანგეთი - აშშ 24:12
აშშ- კანადა 33:12
არგენტინა - საფრანგეთი 14:26
| 1. | საფრანგეთი | 3 | 3 | 0 | 0 | 92:31 | 9 |
|
| 2. | არგენტინა | 3 | 2 | 0 | 1 | 78:33 | 7 |
|
| 3. | აშშ | 3 | 1 | 0 | 2 | 45:72 | 5 |
|
| 4. | კანადა | 3 | 0 | 0 | 3 | 24:103 | 3 |
მეოთხედფინალები IX-XVI ადგილებისთვის
რუსეთი - კანადა
ინგლისი - უელსი
აშშ - პორტუგალია
შოტლანდია - ბრაზილია
თასის ნახევარფინალები
ახალი ზელანდია - არგენტინა
სამხრეთ აფრიკა - სამოა
საფრანგეთი - კენია
ფიჯი - ავსტრალია
ზურა ქსოვრელი
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია