ირლანდიის ნაკრების მგეზავი ჯონათან სექსტონი შოტლანდიასთან მატჩში დაფიქსირებული ინციდენტის გამო ქომაგებისა და მორაგბეების კრიტიკის ქარ-ცეცხლში გაეხვა. მას სიმულაციაში ადანაშაულებენ. იმ მომენტში, როცა სექსტონის წინააღმდეგ წესების დარღვევით ითამაშეს, ირლანდიელმა ფეხბურთელის თვისებები გამოავლინა და ეპიზოდი თეატრალურად გააფორმა.

ინციდენტი 67-ე წუთზე მოხდა - გადაყრაზე მისულმა შოტლანდიელთა შუამარბმა ალექს დანბერმა, სექსტონი ჭიდაობის ილეთით მოიცილა, ამ უკანასკნელმა კი, მსაჯთან აპელირება დაიწყო, რამაც შედეგი გამოიღო - დანბერს ყვითელი ბარათი უჩვენეს.

სწორედ შოტლანდიელის გასინბინებამ აღაშფოთა ინგლისის ნაკრების ყოფილი კაპიტანი მაიკ ტინდოლი:

„ხანდახან ეს თამაში ძალიან მაღიზიანებს. შესაძლოა, იმ მომენტში ჯარიმა ნამდვილად იყო, თუმცა ყვითელი ბარათი ზედმეტად მიმაჩნია, მითუმეტეს სექსტონის ქმედების შემდეგ“ -აცხადებს ტინდოლი.

ინგილესლმა მორაგბეებმა სექსტონს სიმულაციის გამო ირონიულად ფეხბურთელიც კი უწოდეს:

„სექსტონის მხრიდან ეს არასწორი საქეციელი იყო, მან თავში ხელები წაიშინა, როგორც ფეხბურთელმა. ეს ფეხბურთი არ არის“ - წერს ენდი გუდი.

„კარგი რა ჯონი, ჩვენ ხომ ფეხბურთელები არ ვართ“ - ლევის მუდი.

აღსანიშნავია, რომ აღნიშნული ეპიზოდიდან რამდენიმე წუთში სინბინში სექსტონის ადგილიც მოიძებნა, მატჩი ირლანდიელებმა 35:25 მოიგეს.

უჩა გოგიძე