რაგბის განვითარების სახელმწიფო პროგრამის ფარგლებში, საქართველოში კიდევ 3 სარაგბო ბაზა მოეწყო. 31 აგვისტოს ფოთში, სპორტისა და ახალგაზრდობის საქმეთა მინისტრმა ტარიელ ხეჩიკაშვილმა ოფიციალურად გახსნა 8 მარტის ქუჩაზე მდებარე სარაგბო ბაზა “პარკი-არენა”.
ღონისძიებას დაესწრო მინისტრის მოადგილე რევაზ ჯაველიძე, რაგბის კავშირის პრეზიდენტი გია ნიჟარაძე, ფოთის მერი ირაკლი კაკულია, სამეგრელო-ზემო სვანეთის გუბერნატორი ლევან შონია და “ქართუ ჯგუფის” აღმასრულებელი დირექტორი გიორგი ლილუაშვილი. რაგბის ბაზა ევროპული სტანდარტების გათვალისწინებით მოეწყო.
ბაზაზე განთავსებულია 2 სათამაშო მოედანი. ბუნებრივსაფარიანი მოედანი 2 500 მაყურებელზეა გათვლილი, ხოლო მეორე, ხელოვნურსაფარიანი მოედანი 500 მაყურებელს იტევს.
კომპლექსი აღჭურვილია საკონფერენციო, სატრენაჟორო და მოსასვენებელი ოთახებით, VIP, PღEშშ და მატჩის კომისრის ლოჟებით, ექიმისა და დოპინგ-კონტროლის კაბინეტებით.
“პარკი-არენას” ტერიტორია მოიცავს 2 ჰექტარს.
ფოთის სარაგბო ბაზა “პარკი-არენა” საქველმოქმედო ფონდ “ქართუს” დაფინანსებით ასოციაცია “ატუმ” მოაწყო.
რაგბის განვითარების სახელმწიფო პროგრამის ფარგლებში უკვე განხორციელდა არაერთი პროექტი:
- თბილისში აშენდა სარაგბო ბაზა „ლელო არენა"
- ფოთში აშენდა სარაგბო ბაზა „პარკი-არენა"
- ქუთაისში აშენდა სარაგბო ბაზა „აია არენა", მიმდინარეობს სასტუმროს მშენებლობა
- თბილისში აშენდა „შევარდენის" სანაკრებო ბაზა
- მოეწყო ავჭალის რაგბის სტადიონი
- ვარკეთილის სარაგბო სკოლაში მოეწყო ხელოვნურსაფარიანი მოედანი
- აშენდა რუსთავის სარაგბო ბაზა
- აშენდა მარტყოფის სარაგბო ბაზა, მიმდინარეობს სასტუმროს მშენებლობა
- თბილისში, ნუცუბიძის პლატოზე დაიწყო სარაგბო ბაზის მშენებლობა
- დასასრულს უახლოვდება გორის სარაგბო ბაზის მშენებლობა
- მომავალ წელს დასრულდება ბათუმის სარაგბო ბაზა
- თელავში დაიწყო ორმოედნიანი კომპლექსის მშენებლობა
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია