12 ივლისს ვისოლის სარაგბო სტადიონზე Red Bull Lelos - სამოყვარულო რაგბის შეჯიბრი გაიმართა. ტურნირში მონაწილეობა 32 გუნდმა მიიღო. გამარჯვებული გახდა გუნდი „აკადემია“, რომელმაც ფინალურ რაუნდში გუნდი „Children” ანგარიშით 22:21 დაამარცხა. გამარჯვებულ გუნდს თასი და 2000 ლარის ოდენობის ფულადი პრიზი გადაეცა. შეჯიბრს საქართველოს ნაკრების მოთამაშეებიც ესწრებოდნენ.
Red Bull Lelos საქართველოში წელს პირველად ჩატარდა; 2016 წელს ტურნირი უკვე რეგიონალურ მასშტაბს შეიძენს და საქართველოს რამდენიმე დიდ ქალაქში მოხდება საუკეთესო გუნდების შერჩევა. პროექტის მიზანია გახდეს პრესტიჟული ყოველწლიური სამოყვარულო ტურნირი რაგბში.
ფინალური თამაშების შედეგები:
მეოთხედფინალები:
აშმალახა - დევები
კანონიერი ბიჭები - აკადემია
MLF – Children
NZ Kiwis - გ.შ.ს.შ.შ.
ნახევარფინალები:
აშმალახა - აკადემია 7:26
Children - გ.შ.ს.შ.შ. 21:12
ფინალი:
აკადემია- Children 22:21
შეჯიბრი იმით გამოირჩევა, რომ მასში რაგბის სხვადასხვა სახეობებია გაერთიანებული. გუნდების რეგისტრაცია 10 ივლისამდე მიმდინარეობდა, თუმცა გუნდების რაოდენობა პირველივე დღეებში შეივსო.
თითო გუნდში 5 მოთამაშეა, მათ შორის უმაღლესი ლიგის 1 მოთამაშე. თამაშის ხანგძლივობაა 10 წუთი (5 წუთიანი 2 ტაიმი). შეჯიბრი მიმდინარეობს ოლიმპიური სისტემით.
საპრიზო ფონდი 3000 ლარს შეადგენდა, საიდანაც 2000 ლარი გამარჯვებულ გუნდს, 1000 ლარი კი მეორე ადგილზე გასულ გუნდს გადაეცა.
შეჯიბრში მონაწილეობის წესები:
- სტადიონის ზომაა 35x35
- თამაშის ხანგრძლივობაა 10 წუთი (5 წუთიანი 2 ტაიმი)
- შესვენების ხანგრძლივობაა 1 წუთი ტაიმებს შორის
- გუნდში დასაშვებია მხოლოდ ერთი უმაღლესი ლიგის მოთამაშე
- ფრეს შემთხვევაში მოქმედებს "Golden Try"-ს პრინციპი. თამაშის დროის ამოწურვის შემდეგ ორივე გუნდს წუთში ერთხელ აკლდება თითო მოთამაშე
- შეჯიბრი მიმდინარეობს ოლიმპიური სისტემით, წაგებული გუნდი ტოვებს შეჯიბრს
- მოლი და რაქი არ არის დაშვებული
- დაშვებულია 3 შეხება მოწინააღმდეგე გუნდის მოთამაშეებთან
- ხელით შეხება დაშვებულია მხოლოდ წელს ზევით
- შეხების შემთხვევაში დაცვა ბრუნდება 2 მეტრით უკან
- ოფსაიდის შემთხვევაში შემტევ გუნდს ეძლევა ერთი დამატებითი შეტევის უფლება
- ბურთის დავარდნის შემთხვევაში ბურთი გადაეცემა მოწინააღმდეგე გუნდს
- გუნდს ეძლევა დამატებითი ქულა ლელოს ცენტრში დადების და ფეხით გადაკიდების შემთხვევაში -თუ დაიდება ლელო ისე, რომ ბურთი ძირს არ დავარდეს
- ლელო - 5 ქულა, ბონუს ქულა -2
პროექტის პარტნიორები: საქართველოს სპორტისა და ახალგაზრდობის საქმეთა სამინისტრო, საქართველოს ეროვნული ფედერაცია „სპორტი ყველასათვის“, საქართველოს რაგბის კავშირი, Mantis.ge
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია