საქართველოს ეროვნულმა სარაგბო ნაკრებმა გასულ კვირაში იტალიის A გუნდთან 7:8 წააგო, თუმცა, ვინაიდან ეს შეხვედრა სარეიტინგო არ გახლდათ, რაგბის საერთაშორისო საბჭოს (IRB) განახლებულ კლასიფიკაციაში, 66.85 ქულით, მე-18 პოზიცია შეინარჩუნა.
აღსანიშნავია, რომ იაპონიაში განცდილი ზედიზედ მეორე მარცხის შემდეგ, მე-14 პოზიციაზე მყოფი კანადის ნაკრები ქართველებს მხოლოდ 1 ქულითღა უსწრებს, ამდენად, რამდენიმე წარმატებული თამაშის შემთხვევაში, “ბორჯღალოსნებს” ძველ სიმაღლეებზე დაბრუნება რეალურად შეუძლიათ.
შეგახსენებთ, რომ უახლოესი მატჩი, რომელიც შესაძლოა, საქართველოს ნაკრების მდგომარეობაზე აისახოს, 28 ნოემბერს ვანკუვერში შედგება, სადაც მასპინძელი კანადა მე-16 საფეხურზე მყოფ რუსეთის ეროვნულ გუნდს დაუხვდება.
მოწინავე პოზიციებზე მყოფ ახალ ზელანდიასა და სამხრეთ აფრიკას საგრძნობლად ჩამორჩა ავსტრალიის “ვოლაბიზი”, რომელიც შოტლანდიელებთან 1982 წლის შემდეგ პირველად დამარცხდა (8:9) და მესამე-მეოთხე ადგილებზე მყოფ საფრანგეთსა და ირლანდიას მცირედითღა უსწრებს.
მოწინავე ათეულში მომხდარი ერთადერთი ცვლილება კარდიფში გამართულ მატჩს უკვაშირდება, სადაც უელსმა არგენტინისგან “ქვა ქვაზე აღარ დატოვა” და მე-6 პოზიციას უწია. შესაბამისად, ინგლისმა და არგენტინამ თითო საფეხურით უკან დაიხიეს.

IRB-ს რეიტინგი 23 ნოემბრისთვის
1 (1). ახალი ზელანდია 90.88
2 (2). სამხრეთ აფრიკა 89.97
3 (3). ავსტრალია 83.98
4 (4). საფრანგეთი 83.20
5 (5). ირლანდია 83.20
6 (8). უელსი 81.46
7 (6). ინგლისი 80.72
8 (7). არგენტინა 79.42
9 (9). შოტლანდია 77.72
10 (10). ფიჯი 75.69
11 (11). სამოა 73.47
12 (12). იტალია 71.23
13 (13). იაპონია 70.59
14 (14). კანადა 67.85
15 (15). ტონგა 67.53
16 (16). რუსეთი 67.17
17 (17). აშშ 67.05
18 (18). საქართველო 66.85
19 (19). რუმინეთი 64.85
20 (20). ურუგვაი 60.89
21 (21). პორტუგალია 60.31
22 (22). ნამიბია 59.44
23 (23). ესპანეთი 59.01
24 (24). ჩილე 57.95
25 (25). ს.კორეა 57.90
26 (26). უკრაინა 55.47
27 (27). გერმანია 55.35
28 (28). ყაზახეთი 55.12
29 (29). ბრაზილია 54.97
30 (30). ტუნისი 54.30