სამარცხვინოდ დაასრულა დუბაიში მიმდინარე “ემირატების ავიახაზების ტურნირის” ქალთა გათამაშება საქართველოს 7-ქალა ნაკრებმა, რომელმაც ჯგუფური ეტაპის ოთხივე შეხვედრა პირწმინდად წააგო, მხოლოდ ერთი ლელოს გატანა და 5 ქულის აღება მოახერხა, თავად კი 196 ქულა მიიღო.
ნათლად გამოჩნდა, რომ საქართველოში ქალთა რაგბის განვითარების პერსპექტივები პრაქტიკულად არ არსებობს და ჯერჯერობით, მათთვის ევროპის მესამე დონეზე საშუალო გუნდად დარჩენა მექსიმალური შედეგია. მართალია, ქართველ ქალებს ასეთი დონის გუნდებთან აქამდე არ უთამაშიათ, მაგრამ ასეთი შედეგი მაინც მეტისმეტია, თუმც კი, მათთვის ძალების მისასინჯად და ილუზიების განსაქარწყლებად ალბათ ესეც საჭიროა.
ზურაბ დუგლაძის შეგირდები პირველ შეხვედრაში შოტლანდიას ძლიერ გუნდს დაუპირისპირდნენ და ტურნირის სეროკორდო ანგარიშით - 0:60 განადგურდნენ. შემდეგ მატჩში ქართულმა 7-ქალამ გაძლო და კენიელ (ძუ) ლომებთან “მხოლოდ” 0:41 წააგო. მესამე მატჩი საქართველოს ნაკრებისთვის ყველაზე “წარმატებული” გამოდგა. Wooden Spoon Rugby-სთან მათ ერთადერთი ლელოს გატანა მოახერხეს და ყველაზე ნაკლები სხვაობით დამარცხდნენ - 5:41, მაგრამ როგორც ჩანს ამ ერთ ლელოს მთელი ენერგია შეალიეს და არაბეთის სრუტის ნაკრებთან უკვე 0:54 შერცხვნენ.
ამრიგად, საქართველოს ნაკრებმა ჯგუფში ბოლო ადგილი დაიკავა, რაც იმის მაუწყებელია, რომ მისთვის ტურნირი დასრულდა, ისევე, როგორც ბანგკოკის “ანგელოზებისთვის”, რომელთაც ჯგუფში კინკილა მატჩის მოგება მაინც მოახერხეს. დანარჩენი რვა გუნდი დღეს 1/4-ფინალში ითამაშებს, შემდეგ ნახევარფინალების დრო დადგება, ფინალს კი დუბაის ცენტრალური, 50 ათასიანი არენა უმასპინძლებს. 

A ჯგუფი
საფრანგეთი
აშშ
მოსკოვის რეგიონალური ნაკრები
ბანგკოკის “ანგელოზები”
Tuks Ladies

საფრანგეთი - აშშ 21:12
მოსკოვის რეგიონი - ბანგკოკის "ანგელოზები" 10:7
საფრანგეთი - Tuks Ladies 17:12
აშშ - მოსკოვის რეგიონი 12:7
საფრანგეთი - მოსკოვის რეგიონი 7:17
ბანგკოკის ანგელოზები - Tuks Ladies 0:26
საფრანგეთი - ბანგკოკის ანგელოზები 7:19
აშშ - Tuks Ladies 12:14
აშშ - ბანგკოკის ანგელოზები 22:7
მოსკოვის რეგიონი - Tuks Ladies 12:0


B ჯგუფი
შოტლანდია
საქართველო
კენიელი ლომები
არაბეთის სრუტის ნაკრები
Wooden Spoon Rugby

შოტლანდია - საქართველო 60:0
კენია - არაბეთის სრუტე 17:21
შოტლანდია - Wooden Spoon Rugby 19:10
საქართველო - კენია 0:41
შოტლანდია - კენია 31:0
არაბეთის სრუტე - Wooden Spoon Rugby 14:22
შოტლანდია - არაბეთის სრუტე 31:0
საქართველო - Wooden Spoon Rugby 5:41
საქართველო - არაბეთის სრუტე 0:54
კენია - Wooden Spoon Rugby 0:22

1/4-ფინალები
Tuks Ladies - Wooden Spoon Rugby
შოტლანდია - საფრანგეთი
მოსკოვის რეგიონი - კენიელი ლომები
არაბეთის სრუტე - აშშ

ზურა ქსოვრელი