მსოფლიოს 2009/2010 წლის 7-კაცა რაგბის სერიის მესამე ეტაპზე, რომელიც ახალი ზელანდიის ქალაქ ველინგტონში იმართება, მასპინძელთა ნაკრებმა ჯგუფური ეტაპის შეხვედრები ბრწყინვალედ ჩაატარა და გასულ წელს ინგლისთან დათმობილი პირველობის შემდეგ, საკუთარ გულშემატკივრებს სიხარულის იმედი ჩაუსახა.
ზელანდიელებს ჯგუფურ ეტაპზე ყველაზე მძიმე თამაში გასული წლების მსოფლიო სერიის გამარჯვებულ სამხრეთ აფრიკასთან ჰქონდათ, მაგრამ მეტოქე 19:7 დაამარცხეს და დღე ასპროცენტიანი მაჩვენებლით ჩაამთავრეს. მასპინძლებს ყველაზე დიდ საფრთხეს ფიჯი უქმნის, რომელსაც შესანიშნავი გუნდი ჰყავს და პირველი დღე წარმატებით ჩაატარა. ფიჯელმა უილიამ რიდერმა 7-კაცა ნაკრებში თამაშისას თავისი მე-100 ლელო გაიტანა, მისმა გუნდმა კი ყველა მეტოქე იოლად მოინელა.
ახალი ზელანდიის შარშანდელი სერიის გამარჯვებულმა ინგლისმა, პირველი დღის სამივე მატჩი კი მოიგო, მაგრამ ტრავმის გამო გუნდის კაპიტანი კევინ ბარეტა დაკარგა. ევროპელებმა აშშ იოლად დაამარცხეს, ტონგასთან და კენიასთან კი მძიმე ბრძოლები გადახდათ. თავის მხრივ, ამერიკელებმა დღის ბოლო შეხვედრაში დაღლილი ტონგა გამოიჭირეს და მისი დამარცხებით IX-XVI ადგილების ფლეი ოფში შედარებით იოლი მეტოქე ირგუნეს. მაშინ, როდესაც D ჯგუფში სამოას მიერ ყველა მატჩში მოგება არავის გაკვირვებია, კანადამ დრამატულ შეხვედრებში არგენტინისა და საფრანგეთის ნაკრებების ძლევით, მთელი სარაგბო სამყარო გააოცა და თასისთვის ბრძოლას განაგრძობს.
პირველი დღის შემდეგ, საუკეთესო მელელოვეთა სიას სამოელი რუპენ ლევასა ლიდერობს (5 ლელო), რომელსაც თანაგუნდელი მიქაელ პესამინო, სამხრეთ აფრიკელი სესილ აფრიკა და ფიჯელები - ოსეა კოლინისო და უილიამ რიდერი უდგანან კვალში - 4-4 ლელოთი. ბომბარდირთა დავაში რიდერი 34 ქულით დაწინაურდა და 9 ქულით უსწრებს ლევასას.
მსოფლიო სერია რვე ეტაპად იმართება, მასში ყველა ადგილი თამაშდება და დაკავებული ადგილების მიხედვით, გუნდებს ქულები ერიცხებათ. დუბაისა და ჯორჯის ეტაპების მომგებ ახალ ზელანდიას, ჯამში 48 ქულა დაუგროვდა და პირველი ადგილი უჭირავს. მას კვალში ფიჯი უდგას, რომელმაც დუბაიში მესამე (16 ქულა), ჯორჯში კი მეორე ადგილი (20) დაიკავა და 36 ქულა მოუგროვდა. მესამე ადგილს ინგლისი იკავებს (დუბაიში 16, ჯორჯში კი 12 ქულა აიღო), ხოლო მეოთხე ადგილზე სამოას გუნდია (ჯამში 26 ქულა).
A ჯგუფი
ახალი ზელანდია - უელსი 29:5
სამხრეთ აფრიკა - ნიუე 38:10
ახალი ზელანდია - ნიუე 49:5
სამხრეთ აფრიკა - უელსი 38:5
უელსი - ნიუე 26:12
ახალი ზელანდია - სამხრეთ აფრიკა 19:7
| 1 | ახალი ზელანდია | 3 | 3 | 0 | 0 | 97-17 | 9 |
| 2 | სამხრეთ აფრიკა | 3 | 2 | 0 | 1 | 83-34 | 7 |
| 3 | უელსი | 3 | 1 | 0 | 2 | 36-79 | 5 |
| 4 | ნიუე | 3 | 0 | 0 | 3 | 27-113 | 3 |
B ჯგუფი
ფიჯი - შოტლანდია 36:5
ავსტრალია - პაპუა ახალი გვინეა 31:12
ფიჯი - პაპუა ახალი გვინეა 41:0
ავსტრალია - შოტლანდია 24:7
შოტლანდია - პაპუა ახალი გვინეა 34:5
ფიჯი - ავსტრალია 38:7
| 1 | ფიჯი | 3 | 3 | 0 | 0 | 115-12 | 9 |
| 2 | ავსტრალია | 3 | 2 | 0 | 1 | 62-57 | 7 |
| 3 | შოტლანდია | 3 | 1 | 0 | 2 | 46-65 | 5 |
| 4 | პაპუა ახალი გვინეა | 3 | 0 | 0 | 3 | 17-106 | 3 |
C ჯგუფი
ინგლისი - აშშ 31:7
კენია - ტონგა 15:7
ინგლისი - ტონგა 24:19
კენია - აშშ 24:7
აშშ - ტონგა 15:7
ინგლისი - კენია 24:10
| 1 | ინგლისი | 3 | 3 | 0 | 0 | 79-36 | 9 |
| 2 | კენია | 3 | 2 | 0 | 1 | 49-38 | 7 |
| 3 | აშშ | 3 | 1 | 0 | 2 | 29-62 | 5 |
| 4 | ტონგა | 3 | 0 | 0 | 3 | 33-54 | 3 |
D ჯგუფი
სამოა - საფრანგეთი 31:19
არგენტინა - კანადა 7:26
სამოა - კანადა 27:14
არგენტინა - საფრანგეთი 19:5
საფრანგეთი - კანადა 19:21
სამოა - არგენტინა 33:14
| 1 | სამოა | 3 | 3 | 0 | 0 | 91-47 | 9 |
| 2 | კანადა | 3 | 2 | 0 | 1 | 61-53 | 7 |
| 3 | არგენტინა | 3 | 1 | 0 | 2 | 40-64 | 5 |
| 4 | საფრანგეთი | 3 | 0 | 0 | 3 | 43-71 | 3 |
1/4-ფინალი IX-XVI ადგილებისთვის
უელსი - პაპუა ახალი გვინეა
არგენტინა - ტონგა
აშშ - საფრანგეთი
შოტლანდია - ნიუე
თასის 1/4-ფინალი
ახალი ზელანდია - ავსტრალია
სამოა - კენია
ინგლისი - კანადა
ფიჯი - სამხრეთ აფრიკა
ზურა ქსოვრელი
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია