საქართველოს მორაგბეთა A ნაკრები თითქმის ერთი კვირაა, რაც სამხრეთ აფრიკაში, კეიპთაუნის მახლობლად მდებარე საყოველთაოდ ცნობილ სტელენბოშის სარაგბო აკადემიის ბაზაზე საწვრთნელ შეკრებას მართავს.
სპორტის დეპარტამენტის პრეს-სამსახურის ცნობით, ლევან მაისაშვილის შეგირდები საზღვარგარეთ ტურნეზე პირველად არიან, 30 მარტს კი სტელენბოშის აკადემიის ოცწლამდელთა ნაკრებთან, რომლის მორაგბეებიც ვესტერნ პროვანსის რეგიონის კლუბებში თამაშობენ, პირველი საკონტროლო მატჩი ჩაატარეს.
საქართველოს ნაკრებმა მეტოქე 41:20 დაამარცხა. ლელოები შოთა საყვარელიძემ, კარლენ ასეიშვილმა, ლექსო გუგავამ, ვასილ კაკოვინმა, სანდრო ნიჟარაძემ და დავით ელიზბარაშვილმა გაიტანეს. ოთხი გარდასახვა და საჯარიმო ირაკლი ყიასაშვილის ანგარიშზეა.
ქართველი მორაგბეები მომდევნო შეხვედრას 3 აპრილს ქალაქ სან რაისდორფში გამართავენ, სადაც ჩვენი გუნდი სარაგბო ფესტივალში მონაწილეობის მისაღებად ვესტერნ პროვანსის მხარის სპორტის მინისტრმა პირადად დაპატიჟა.
პირველი ხაზი: ირაკლი ჭყონია, ირაკლი მირცხულავა (ორივე-ლელო), ჯაბა ბრეგვაძე, კარლენ ასეიშვილი (ორივე-ვისოლი ყოჩები), ვასილ კაკოვინი (ბრივი), რევაზ ბელქანია (კარკერენი).
მეორე ხაზი: კოტე მიქაუტაძე (აჟენი), ილია სურგულაძე (უნივერსიტეტი).
მესამე ხაზი: ვიქტორ კოლელიშვილი (ლელო), ზვიად მაისურაძე (ლოკომოტივი), შალვა სუთიაშვილი (მასი), შოთა საყვარელიძე (სენტ ეტიენი).
9: გიორგი კაჭარავა (ლელო), ირაკლი ღვინჯილია (ლოკომოტივი).
10: ლაშა ხმალაძე (ლელო), თემურ სოხაძე (ვისოლი-ყოჩები).
12-13: მამუკა ნინიძე (ბათუმი XV), გიგა კორკელია (ლელო), გიორგი ელიზბარაშვილი (აკადემია), დავით ლოსაბერიძე (აჟენი).
11-14: ალექსანდრე ნიჟარაძე, ირაკლი გეგენავა (ორივე-ვისოლი ყოჩები), ირაკლი ჩხიკვაძე (აია), ლექსო გუგავა (ლელო).
15: ირაკლი ყიასაშვილი (ლელო).
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია