ხვალ დილით, თბილისის დროით 10:35 საათზე, სუპერ რაგბის მესამე ტურის პირველ მატჩში ახალზელანდიური დერბი შედგება - „ბლუზი“ „ჰარიქეინსს“ უმასპინძლებს.

ორი ტურის შემდეგ, ორივე კლუბი სატურნირო ცხრილის ქვედა ნაწილშია - „ბლუზი“ ერთი მოგებითა და ერთი მარცხით მეთორმეტეა, ხოლო „ჰარიქეინსი“ ორი მარცხით მე-15.

„ბლუზმა“ ტანა უმაგას ხელმძღვანელობით კარგი სტარტი აჩვენა და წინა სეზონთან შედარებით, აშკარად განსხვავებულ რაგბი ითამაშა. რაც შეეხება „ჰარიქეინსის“ წლევანდელ მდგომარეობას, „ქარიშხლები“ აშკარად ჩამოუვარდებიან შარშანდელ ფორმას, როდესაც მათ ზე რაგბიში მეორე ადგილის დაკავება მოახერხეს.

ბოლო მატჩი, რომელიც ამ გუნდებს შორის „ბლუზის“ სტადიონზე გაიმართა, „ჰარიქეინსის“ გამარჯვებით დასრულდა - 29:5, ასე, რომ ოკლანდელებს საკუთარი მაყურებლის თვალწინ რეაბილიტაციისთვის მოუწევთ ბრძოლა.

ექსპერტები გამორჩეულ თამაშს რენე რენჯერისგან მოელიან. „ბლუზის“ ძირითად შემადგენლობაში დაბრუნებული რენჯერი „კრუსეიდერსთან“ მატჩში ერთ-ერთი შესამჩნევი ფიგურა იყო. შუამარბობიდან იგი 14 ნომერზე გადაწიეს და როგორც ჩანს, ამ პოზიციაზე თავს კარგად გრძნობს.
რაც შეეხებათ სტუმრებს, დენი კოულის არყოფნაში გაკაპიტნებულმა ტიჯეი პერენარამ ლიდერის თვისებები გამოავლინა. ჰავბეკი „ბრამბისთან“ წაგებულ მატჩში სწრაფ გადაწყვეტილებებს იღებდა და უნარუანად უძღვებოდა გუნდს, ასე, რომ თუ „ქარიშხლებს“ მოუგებელი სერიის შეწყვეტა სურთ, პერენარა-ბარეტის დუეტი კარგად უნდა ათამაშდეს.

ასეა თუ ისე, ერთმანეთის წინააღმდეგ დაახლეობიოთ ერთი დონის გუნდები წარსდგებიან და ძნელია ფავორიტის დასახელება. გავლენიანი ვებგვერდი planetrugby.com ფსონს მასპინძლებზე ჩამოდის და თვლის, რომ „ბლუზი“ „ჰარიქეინსის“ სამი ქულით დამარცხებას მოახერხებს.

თამაშის ხილვა შემდეგ მისამართებზე იქნება შესაძლებელი

http://www.vipleague.tv/rugby/350578/1/blues-vs-hurricanes-live-stream-online.html

http://www.vipleague.tv/rugby/350578/2/blues-vs-hurricanes-live-stream-online.html

http://www.vipleague.tv/rugby/350578/3/blues-vs-hurricanes-live-stream-online.html

უჩა გოგიძე