როგორც სრკ-ს ოფიციალური საიტი იუწყება, ამის მიზეზი უკეთესი ფინანსური პირობებია, რომელიც ბრედლის შოტლანდიურმა სარაგბო კლუბმა, “ედინბურგმა” შესთავაზა. 49 წლის სპეციალისტმა სქოთებთან ორწლიანი კონტრაქტი უკვე გააფორმა.
ირლანდიელ ბრედლის, რომელსაც ქვეყნის ეროვნულ ნაკრებში 9 ნომრის პოზიციაზე 40 შეხვედრა ჰქონდა ჩატარებული, “ბორჯღალოსნებთან” 2011 წლის ბოლომდე უნდა ემუშავა. გასული წლის ნოემბერში, კანადისა და აშშ-ს ნაკრებების წინააღმდეგ გამართულ ტესტ-მატჩებში, ასევე, 2011 წლის ევროპის “ერთა თასის” შეხვედრების დროს, ის აქტიურად იყო ჩართული გუნდის მომზადებაში და მომავალი მსოფლიო თასის წინ, მისი გამოცდილება გუნდისათვის ძალიან მნიშვნელოვანი იქნებოდა. ბრედლი 1987 და 1995 წლების მსოფლიო თასის მონაწილეა. მუშაობდა ირლანდიის 21-წლამდელთა და A ნაკრებების მწვრთნელებად, ხოლო 2008 წელს, ზელანდია-ავსტრალიის ტურნეს დროს და “ბარბაროსებთან” გამართულ ტესტ-მატჩში, ირლანდიის ეროვნულ გუნდს ავარჯიშებდა.
 

ზურა ქსოვრელი