საქართველოს მორაგბეთა 7-კაცა ნაკრები, საფრანგეთის ქალაქ ლიონში მიმდინარე ევროპის გრან პრის მეორე შეხვედრაში უკრაინასთან 14:17 დამარცხდა.
პირველ მატჩში “ბორჯღალოსნებმა” ჰოლანდიას 14:7 აჯობეს და ჯგუფში პირველ-მეორე ადგილის დაკავების, ანუ თასისთვის ბრძოლის გაგრძელების შანსს ჯერ კიდევ ინარჩუნებენ.
დღეს ქართველ მორაგბეებს კიდევ ორი შეხვედრა ელით. თბილისის დროით 19:20 საათზე, მათი მეტოქე ესპანეთის, ხოლო 20:20 საათზე პორტუგალიის ნაკრები იქნება. ჯგუფური ეტაპის დასკვნით მატჩს საქართველოს ნაკრები ხვალ, რუმინეთის წინააღმდეგ გამართავს და დაკავებული ადგილის მიხედვით, მომავალი მეტოქის ვინაობაც ხვალ, ნაშუადღევს გაირკვევა.