საქართველოს სარაგბო ნაკრების დარად, სანოემბრო ტესტ-მატჩებისთვის ემზადება რუსეთის ეროვნული გუნდიც. “დათვები” მომავალ თვეში ინგლისს ესტუმრებიან და სამ შეხვედრას ჩაატარებენ: 4 ნოემბერს – ოქსფორდის ნაკრებთან, 9-ში – აშშ-სთან, ხოლო 17-ში – კანადასთან.
აღნიშნულთან დაკავშირებით, რუსები 3 ნოემბრამდე ნოვოგორსკში შეკრებას გამართავენ, რომელზეც რუსების მაისურით მოთამაშე სამი ქართული მორაგბეცაა მიწვეული: პავლე კვერნაძე, ვალერი ცნობილაძე და გრიგოლ ცნობილაძე.