ფეხბურთი

23:43 | 12.05.2013 | ნანახია [] - ჯერ

ზესტაფონში სპორტის მინისტრის იმედი აქვთ

კაცმა რომ თქვას, ზესტაფონში კარგა ხანია ბევრს აღარ ანაღვლებს, როგორ ჩაამთავრებს ქვეყნის ორგზის ჩემპიონი 24-ე ეროვნულს. ისედაც ყველაფერი ნათელია - გუნდმა აშკარად ჩააგდო სეზონი. ზესტაფონში ახლა უფრო აქტუალური სხვა რამაა - რა ბედი ელის კლუბს, მართლა დაშლის თუ არა მას ილია კოკაია, დაეხმარება თუ არა „ზესტაფონს“ სახელმწიფო, გადაიბარებს თუ არა კლუბის 100-პროცენტიან წილს ადგილობრივი მუნიციპალიტეტი? ჩნდება ბევრი სხვა კითხვაც. ერთი სიტყვით, ამ მხრივ ვნებათაღელვა პიკს აღწევს.

ზესტაფონში სფფ-ს პრეზიდენტის გუშინდელი სტუმრობით არც არაფერი გარკვეულა, გაისმა მხოლოდ შექმნილი მდგომარეობის მთავრობის ყურამდე მიტანის დაპირებები. ჯერჯერობით ბუნდოვანი წარმოდგენა აქვს კლუბის მომავალზე ადგილობრივ გამგეობას.  ზესტაფონელები ამბობენ, რომ ყველაზე მეტად სპორტის მინისტრის პოზიცია და განმარტებები აინტერესებთ და ლევან ყიფიანისგან იგივეს  ელიან, რასაც ის რამდენიმე დღის წინ გორელებს „დილას“ გადასარჩენად დაპირდა. ზესტაფონელებს სჯერათ, რომ ყველაფერი მხარეებისთვის მისაღები შედეგით დასრულდება.

ზემოთ ვთქვით, ზესტაფონში შეგუებულნი არიან იმ აზრს, რომ გუნდმა ფინიშთან მიახლოებული ჩემპიონატი ჩააფლავა. ამიტომაც იყო, „დავით აბაშიძეზე“ მატჩიდან მატჩამდე კლებულობდა მაყურებელთა რაოდენობა და ზესტაფონელებს, ფაქტობრივად, ცარიელი ტრიბუნების წინაშე უწევდათ ბურთაობა. ოღონდ დღევანდელ თამაშზე ამას ვერ ვიტყვით, სტადიონზე, სულ მცირე, 2 ათასი კაცი შეიკრიბა და მთელი თამაშის განმავლობაში, ფანკლუბელთა დირიჟორობით ამხნევებდა თავის გუნდს. „ზესტაფონმაც“ ექვსეულში პირველი გამარჯვებით გაიხარა.

ერთობ უღიმღამო პირველ ტაიმშიც კი მრავლად იყო საგოლე მომენტები, თანაც ორივე კართან. მატჩის დებიუტში თორნიკე გორგიაშვილმა და ზვიად სიხარულიამ გაცვალეს სახიფათო დარტყმები. ორივე შემთხვევაში მეკარეებმა იყოჩაღეს.

მე-20 წუთზე როინ კვასხვაძეს რომეო კანკიას ძლიერი დარტმის მოგერიება მოუხდა. ამ ეპიზოდს მალევე მასპინძელთა ფლანგური შეტევა მოჰყვა, ლევან კუტალია მარჯვნიდან შეიჭრა ყოფილ თანაგუნდელთა საჯარიმოში და ძლიერად დაარტყა კარში, ლაშა ძაგანიამ ძნელი ბურთი მოიგერია, ბოტი დემელმა ახლოდან უმალ დაამატა, მაგრამ წაქცეულ მეკარეს ვერ ააცილა.

„ზესტაფონი“ 29-ე წუთზე დაწინაურდა, როდესაც პარტნიორებმა მეკარესთან პირისპირ გაიყვანეს თორნიკე გორგიაშვილი და მანაც შანსი ხელიდან აღარ გაუშვა - 1:0.

შესვენების შემდეგ ზესტაფონელებმა თამაშის ტემპს უმატეს და სტუმართა კართან ზედიზედ იქმნებოდა საგოლე მომენტები. ჯერ იყო და გორგიაშვილმა თორნიკე აფციაურის ზუსტი გადაცემით ვერ ისარგებლა, მერე  თავად აფციაურს გაუცუდდა დარტყმა კუტალიას ფლანგური გადაცემის შემდეგ. ლევან შარიქაძესაც ოდნავ აუცდა საჯარიმოს გარედან გასროლილი, მაგრამ გატანის ყველაზე ნაღდი შანსი ხელიდან ბოტი დემელმა გაუშვა - მეკარესთან პირისპირ გასულმა ჩარჩოს ააცილა.

მასპინძლებმა მაინც შეძლეს ანგარიშის გაზრდა. მიხეილ სარდალიშვილი ახალი გამოსული იყო შეცვლაზე, როდესაც მარჯვენა ფლანგიდან ზუსტი გადაცემა გაუკეთა ზუგდიდელთა საჯარიმოში შეჭრილ გორგიაშვილს და მანაც უშანსოდ დატოვა მეკარე.

ამის შემდეგ ძაგანიას რამდენჯერმე მოუხდა თავის გამოჩენა, თუმც მასპიძელთა ორბურთიანი უპირატესობა საფინალო სასტვენამდე შენარჩუნდა.

ელგუჯა ქომეთიანი: „ასე ხშირად გვემართება, უპირატესობას ვფლობთ, მაგრამ ვერ ვიყენებთ. პირველ ტაიმში მეტოქეს თამაშით ვაჯობეთ, 3 საგოლე მომენტი შევქმენით, ოღონდ რა გამოვიდა? ტაიმი მაინც წავაგეთ. შესვენების შემდეგ მასპინძლები უკეთესად გამოიყურებოდნენ, აქტიურად გვიტევდნენ. პლეი ოფში აშკარად არ გვიმართლებს, გუნდიდან ბევრი წავიდა, მაგრამ ვფიქრობ, ამ შემადგენლობითაც, მხოლოდ ადგილობრივი კადრებით, შეგვიძლია უმაღლეს ლიგაში ღირსეული თამაში.“

კახა კაჭარავა: „კლუბში შექმნილ კრიზისულ სიტუაციაზე ხელმძღვანელობამ უნდა ისაუბროს, მწვრთნელებმა და ფეხბურთელებმა ჩვენი საქმე უნდა ვაკეთოთ ისე, რომ გულშემატკივრები გავახაროთ. მართალია, ამ სეზონში ამას ხშირად ვერ ვახერხებდით, მაგრამ მომავლის იმედი გვაქვს. ჩვენ მხარს ვუჭერთ ჩვენი პრეზიდენტის მოთხოვნებს და დიდ მადლობას ვუხდით ერთგულ ქომაგთ გამხნევებისა და თანადგომისათვის“.

„ზესტაფონი“ – „ზუგდიდი“ 2:0 (1:0)

ზესტაფონი. „დავით აბაშიძე“. 12 მაისი. 18.00 საათი. 2000 მაყურებელი

„ზესტაფონი“: რ. კვასხვაძე, თორნიკე გრიგალაშვილი, იელიჩი, გაგოშიძე, ენდელაძე, ბაბუნაშვილი, შარიქაძე, კუტალია, გორგიაშვილი (სამუშია, 87), აფციაური (კ, ჭანკოტაძე, 57), დემელი (სარდალიშვილი, 69)

მთავარი მწვრთნელი: კახა კაჭარავა

„ზუგდიდი“: ძაგანია, ქვარცხავა, ხუხია, აქუბარდია, კანკია, სიხარულია (კ, ქანთარია, 87), ხუბუა, წურწუმია, გუგუჩია (მალანია, 69), შ. ლომია (ფარჯიკია, 69) ეხვაია

მთავარი მწვრთნელი: ელგუჯა ქომეთიანი

გოლი:1:0, 2:0 გორგიაშვილი (29, 71)

გაფრთხილება: ქვარცხავა (3), გაგოშიძე (16), გუგუჩია (53), ხუხია (57), ხუბუა (64), ჭანკოტაძე (64)

მსაჯები: თორნიკე გვანცელაძე, ირაკლი უკლება, ირაკლი კაკაბაძე, გიორგი ვადაჭკორია

 

I-VI ადგილებისთვის

ჩიხურა (საჩხერე) – დინამო (თბილისი) 2:4 (1:3)

გოლი: 1:0 ბესიკ დეკანოიძე (26), 1:1 პეტერ გრაიციარი (38), 1:2 ჩისკო (43), 1:3 გიორგი მერებაშვილი (45), 1:4 კოტო (57), 2:4 ედიკ საჯაია (85)

 

ზესტაფონი – ზუგდიდი 2:0 (1:0)

გოლები: 1:0, 2:0 თორნიკე გორგიაშვილი (29, 71)

 

ტორპედო (ქუთაისი) – დილა (გორი) 5:4 (2:3)

გოლები: 1:0 გიორგი კუხიანიძე (პენ, 13), 2:0 გიორგი ფანცულაია (18), 2:1 ლაშა გვალია (29), 2:2 გიორგი აბურჯანია (34), 2:3 ბაჩანა არაბული (40), 3:3 გრიგოლ დოლიძე (54), 3:4 ბაჩანა არაბული (60), 4:4 გრიგოლ დოლიძე (71), 5:4 გიორგი ფანცულაია (81)

 

1. დინამო (თბილისი) 31 23 6 2 82:22 75
2. დილა (გორი) 
31 21 2 8 56:26 65
3. ტორპედო (ქუთაისი) 31 18 7 6 53:29 61
4. ჩიხურა (საჩხერე) 31 17 6 8 49:34 57
5. ზესტაფონი 31 12 6 13 34:32 42
6. ზუგდიდი 
31 10 6 15 30:48 36

VII-XII ადგილებისთვის

სიონი (ბოლნისი) – მეტალურგი (რუსთავი) 2:2 (1:0)

გოლი: 1:0 დავით სვანიძე (7), 1:1 რევაზ გეწაძე (60), 2:1 ლადო ახალაია (86), 2:2 ზვიად ლობჟანიძე (90+1)

 

დინამო (ბათუმი) – კოლხეთი (ფოთი) 2:2 (1:1)

გოლი: 1:0 ბესიკ ჩიმაკაძე (29), 1:1 შალვა კვანტალიანი (40), 2:1 ბესიკ ჩიმაკაძე (59), 2:2 შალვა კვანტალიანი (68)

 

ვიტ ჯორჯია (თბილისი) – მერანი (მარტვილი) 0:0

 

1. მეტალურგი (რუსთავი) 31 12 8 11 29:34 44
2. მერანი (მარტვილი) 
31 10 4 17 30:49 34
3. ვიტ ჯორჯია (თბილისი) 31 8 9 14 25:40 33
4. სიონი (ბოლნისი) 31 7 9 15 29:50 30
5. დინამო (ბათუმი) 31 7 7 17 38:55 28
6. კოლხეთი (ფოთი) 31 2 8 21 20:56 14

 

მეგოლეები:

 22 - ჩისკო (3 პენ, "დინამო" თბილისი)

 19 - ჯაბა დვალი (“დინამო” თბილისი)

 16 - საბა ლომია (1, “მერანი”)

 14 – ალვარო (“დინამო” თბილისი)

 12 - ბესიკ ჩიმაკაძე (1, “დინამო” ბათუმი)    

 11 - ირაკლი მოდებაძე (3, “დილა”)

 10 - ნიკა საბანაძე (“ტორპედო”)

 9 - ლევან ხმალაძე (“დინამო”), გიორგი ბერიაშვილი (“ტორპედო”)

 8 - დავით ოდიკაძე (6, “ჩიხურა”), ირაკლი სიხარულიძე (“მეტალურგი”)

 7 - ირაკლი ქობალია (1, “ზუგდიდი”), დიმიტრი ტატანაშვილი, გიორგი მერებაშვილი (ორივე -“დინამო” თბილისი), დავით კირკიტაძე, ნიკო კვასხვაძე (ორივე -“ჩიხურა”), თორნიკე გორგიაშვილი (“ზესტაფონი”), გიორგი კუხიანიძე (4, “ტორპედო”)    

 6 – ელგუჯა გრიგალაშვილი (“ტორპედო”), მიხეილ ჯორბენაძე (“დინამო” ბათუმი), ბესიკ დეკანოიძე ("ჩიხურა"), რევაზ ჯიქია (“სიონი” / გუნდში აღარ არის)

 5 - რომან ახალკაცი (“მეტალურგი”), ნათან ჟუნიორი, ბაჩანა არაბული  (ორივე - “დილა”), სანდრო გურული (1, “დინამო” ბათუმი), შალვა კვანტალიანი (“კოლხეთი”)        

 4 – რატი წინამძღვრიშვილი (“ზესტაფონი”), გიორგი გაბედავა (“ზუგდიდი”), გიორგი დათუნაიშვილი, გრიგოლ დოლიძე  (ორივე - “ტორპედო”), ნიკა დიასამიძე, აკაკი მიკუჩაძე (3, “სიონი”), ელგუჯა ლობჟანიძე (“ვიტ ჯორჯია”), რევაზ გოცირიძე (“ჩიხურა”)

 3 – შოთა ლომია, დავით გამეზარდაშვილი, ზვიად სიხარულია (ყველა - “ზუგდიდი”), გულვერდ თომაშვილი, გიორგი კახელიშვილი, ლაშა გვალია (ყველა - “დილა”), გიორგი ონიანი, ბექა ტუღუში, გიორგი ფანცულაია  (ყველა - “ტორპედო”), თორნიკე ბერიძე, ამირან მუჯირი (ორივე - “დინამო” ბათუმი), ლევან შარიქაძე, შოთა ბაბუნაშვილი (ორივე - “ზესტაფონი”), პავლე დათუნაიშვილი (“კოლხეთი”), გივი კვარაცხელია (“დინამო” თბილისი), გაგა ჩხეტიანი (ორივე - “ჩიხურა”), ირაკლი კლიმიაშვილი, დავით სვანიძე,  (ორივე - “სიონი”)

 2 – პეტერ გრაიციარი (“დინამო” თბილისი), ლევან კუტალია (1), ალექსანდრე ბენაშვილი, მიხეილ სარდალიშვილი, ბოტი გოა დემელი (ყველა – “ზესტაფონი”), გიგა ამბროლაძე, ნოდარ ნოზაძე, მამუკა ტორონჯაძე, ვალერი იობაშვილი, ლაშა კუჭუხიძე (ყველა - "მერანი"), რევაზ გოცირიძე, თემურ შარაშენიძე, გიორგი მიქაბერიძე, გოგი ფიფია, რევაზ გეწაძე, ზურაბ მენთეშაშვილი (ყველა - “მეტალურგი”), მიხეილ გორელიშვილი, დათო კვირკველია (1) (ყველა - “დილა”), პაატა ცხვიტარია, გიორგი ბუხაიძე (1), ომარ გოგონაია (ყველა - “კოლხეთი”), ლაშა შერგელაშვილი (ყველა - “ტორპედო”), ალექსანდრე ბაციკაძე, ირაკლი ცნობილაძე, გიგა ჟვანია (ყველა - “დინამო” ბათუმი), ლაშა გაბრიჩიძე, გურამ ადამაძე, გიორგი ვასაძე, გიორგი ჯანელიძე, ლევან კუხალეიშვილი, ირაკლი ღიბრაძე  (ყველა - “ვიტ ჯორჯია”), ზვიად ლობჟანიძე (“მეტალურგი”), ვლადიმერ უგრეხელიძე, გიორგი მანწკავა (ყველა - “სიონი”), ლაშა ჩიკვაიძე (“ჩიხურა”),  მათე ვაწაძე (“დილა”/ “ორჰუსი” დანია)

 1 – თორნიკე აფციაური, ოთარ კვერნაძე, გიორგი კაჭკაჭიშვილი, თორნიკე გრიგალაშვილი, თედორე გრიგალაშვილი, ბერდია შარვაძე, იგორ იელიჩი, თეიმურაზ ღონღაძე (ყველა - “ზესტაფონი”), გიორგი რეხვიაშვილი, გივი დიდავა, დათა სიჭინავა, პაპუნა ფონიავა (ყველა - “მერანი”), პატრიკ მილხრაუმი, ვლადიმირ ვოსკობოინიკოვი, არჩილ ტვილდიანი, გიორგი გველესიანი, კარლეს კოტო (ყველა – “დინამო” თბილისი), ალექსანდრე კოშკაძე, გელა გოგიტიძე, ოლექსანდრ ტიმჩიშინი, კარენ მაკარიანი (ყველა - “დინამო” ბათუმი), ჯაბა უგულავა, ვილი ისიანი, დაჩი ფოფხაძე, პაველ ჰაიდუჩეკი, გიორგი ცხადაია, ლადო ახალაია, (ყველა - “სიონი”), ედიკ საჯაია, ვაჟა ლომაშვილი, დავით დიღმელაშვილი, ნიკა გუშარაშვილი, ლევან ბაკურაძე, ჯაბა ბერიანიძე, როინ ონიანი, დავით ბოლქვაძე, ბესიკ დეკანოიძე, გიორგი რეხვიაშვილი (ყველა - “ჩიხურა”), ზაზა ჭელიძე, ვალერი ბოლქვაძე, მერაბ გიგაური, ნიკა ფირცხალავა (ყველა - “ტორპედო”), ჯემალ გოგიაშვილი, გიორგი კორიფაძე, გურამ გურეშიძე, ოთარ ჯავაშვილი (ყველა - “ვიტ ჯორჯია”), გიორგი ლაშქარავა, ირაკლი ეხვაია (ორივე - “ზუგდიდი”), ალექსანდრე კვახაძე, ვალერი კაციტაძე, კახა ალადაშვილი, გიგა ბეჭვაია, გოგიტა გოგუა, ზურაბ არზიანი, ლაშა გვალია, გიორგი ილურიძე, გიორგი აბურჯანია (ყველა - “დილა”), ილია პავლიაშვილი, თეიმურაზ ფარულავა, ვიტორ როსინი (ყველა – “კოლხეთი”), ჯემალ გაბუნია, ალექსანდრე კოშკაძე, ვაჟა ქორიძე (ყველა - “დინამო” ბათუმი), ანზორ სუხიაშვილი, რევაზ გეწაძე, დენის დობროვოლსკი, გიორგი ქავთარაძე (ყველა - “მეტალურგი”), დავით ჯანელიძე (“მეტალურგი” / “თურანი” Aაზერბაიჯანი), ლაშა სალუქვაძე (“დილა” / “სკა –ენერგია” ხაბაროვსკი), რობერტინიო (“დინამო” თბილისი / “ინტერი” ბაქო), გიორგი ქუცურუა, გიორგი ფეიქრიშვილი, გიორგი ჭანკოტაძე, გიორგი ჭედია (ყველა – უგუნდოდ)

 ავტოგოლები: 2- ალექსანდრე ინწკირველი (“მეტალურგი”), 1 - ირაკლი კვეკვესკირი,  გელა გოგიტიძე (ორივე - “დინამო” ბათუმი), ლაშა კასრაძე (“ვიტ ჯორჯია”), გივი ქარქუზაშვილი (“მერანი”), გია ჩადუნელი (“კოლხეთი”)

 

საქართველოს ფეხბურთის ფედერაციის დებულების თანახმად, უმაღლეს, პირველ და დუბლების ჩემპიონატებში თანაბარი ქულების დაგროვების შემთხვევაში, ადგილები შემდეგი პრიორიტეტული პრინციპით გაირკვევა:

 ჩემპიონატში უშუალოდ ურთიერთშეხვედრების შედეგები (ქულათა რაოდენობა და შემდეგ ბურთების უკეთესი სხვაობა. ბურთების ერთნაირი სხვაობის შემთხვევაში, უპირატესობა მიენიჭება გუნდს, რომელსაც ერთმანეთთან შეხვედრებში სტუმრად მეტი გოლი აქვს გატანილი);

 -ჩემპიონატში მოგებათა მეტი რაოდენობა;

 -ჩემპიონატში გატანილი და მიღებული ბურთების უკეთესი სხვაობა;

 -ჩემპიონატში გატანილი გოლების მეტი რაოდენობა;

 -ჩემპიონატის განმავლობაში, გუნდის მიერ მიღებული წითელ-ყვითელი ბარათების რაოდენობა (წითელი 3 ქულა, ყვითელი – 1 ქულა. თანაბარი ქულების დაგროვების შემთხვევაში, უპირატესობა მიენიჭება ნაკლებ წითელ ბარათს);

 -თუ გუნდებს ეს მაჩვენებელიც თანაბარი აღმოაჩნდებათ, ადგილების გამოსავლენად მოეწყობა კენჭისყრა

0.118509