ფეხბურთი

22:58 | 21.09.2021 | ნანახია [] - ჯერ

საქართველოს ქალთა ნაკრები შვედეთთან დამარცხდა

საქართველოს ქალ ფეხბურთელთა ნაკრები მსოფლიოს 2023 წლის ჩემპიონატის შესარჩევ ციკლში ჩაერთო და პირველი ტურის მატჩი სტუმრად შვედეთის ნაკრებთან გამართა.

გიორგი ჩხაიძის გუნდს ძალიან ძლიერი მეტოქე ჰყავდა - შვედეთი ფიფას რეიტინგში მეორე ადგილზეა და ქალთა ფეხბურთში ნამდვილად ერთ-ერთი გრანდია. საბოლოოდ, სკანდინავიელებს სამი ქულის მოპოვება არ გასჭირვებიათ.

მასპინძლები ქართველთა კარში თითო ტაიმში ორ-ორი გოლი გაიტანეს, სხვათა შორის, ტაიმების ბოლო ნაწილში. პირველ ნახევარში მე-40 და 45-ე წუთებზე, ხოლო შესვენების შემდეგ 84-ე და 90-ე წუთებზე.

საქართველოს ნაკრები შესარჩევი ეტაპის მეორე შეხვედრას 21 ოქტომბერს, საკუთარ მოედანზე ფინეთის წინააღმდეგ ჩაატარებს.

შვედეთი - საქართველო 4:0 (2:0)

საქართველო (4-4-2): გაბუნია; ჭიჭინაძე (დანელია 67), მატვეევა (გორგაძე 90), ჩხარტიშვილი, პასიკაშვილი; სუთიძე, ტატუაშვილი, ბაქრაძე (სულაშვილი 84), ხაბურძანია (ბებია 84); კალანდაძე, ჭყონია

გოლები: 1:0 ანდელდალი (40), 2:0 ერიქსონი (45), 3:0 სეგერი (84), 4:0 სეგერი (90)

0.136858