ფეხბურთი

14:12 | 16.09.2021 | ნანახია [] - ჯერ

ფიფას რეიტინგი: საქართველოს ნაკრები დაქვეითდა და ასეულის ზღვარზეა

საქართველოს ნაკრებმა ფიფას რეიტინგში რეგრესი განიცადა და 5 პოზიციით დაქვეითდა. ვილი სანიოლის გუნდი სექტემბერში ჩატარებული წარუმატებელი მატჩების შემდეგ 96-ე ადგილზეა.

საქართველოს ნაკრები რეიტინგში უკვე ვიეტმანის ნაკრებსაც ჩამორჩა, რომელმაც გადაასწრო, ხოლო მცირედით უსწრებს ლიბანისა და ყირგიზეთის ნაკრებებს.

...94. ლუქსემბურგი - 1244 ქულა

95. ვიეტნამი - 1244 ქულა

96. საქართველო - 1240 ქულა

97. ლიბანი - 1233 ქულა

98. ყირგიზეთი - 1230 ქულა

აქვე ვთქვათ, რომ საქართველოს ნაკრები ოქტომბერში საბერძნეთს შეხვდება, რომელიც 46-ე საფეხურზეა, ხოლო მერე კოსოვოს სტუმრად დაუპირისპირდება და ეს გუნდი 109-ე ადგილს იკავებს.

და ბოლოს, საუკეთესო ათეული, რომელშიც ინგლისის ნაკრები მესამე ადგილზე აღზევდა და საფრანგეთის ნაკრებს გადაუსწრო. პორტუგალიამ მეშვიდე საფეხურზე ესპანეთი ჩაანაცვლა, ხოლო ათეულში შევიდა დანიის ნაკრები, რომელმაც აშშ-ს ადგილი დაიკავა.

1. ბელგია - 1832 ქულა

2. ბრაზილია - 1811 ქულა

3. ინგლისი - 1755 ქულა

4. საფრანგეთი - 1754 ქულა

5. იტალია - 1735 ქულა

6. არგენტინა - 1725 ქულა

7. პორტუგალია - 1674 ქულა

8. ესპანეთი - 1673 ქულა

9. მექსიკა - 1666 ქულა

10. დანია - 1658 ქულა

შეგახსენებთ, საქართველოს ნაკრებმა სექტემბერში კოსოვოსთან (0:1), ესპანეთთან (0:4) და ბულგარეთთან (1:4) წააგო.

0.157313