ფეხბურთი

20:39 | 15.09.2021 | ნანახია [] - ჯერ

ვეინალდუმს „ლივერპულში“ დარჩენა სურდა

ნიდერლანდების ეროვნული ნაკრების და „პარი სენ ჟერმენის“ ნახევარმცველმა ჟორჟინიო ვეინალდუმმა განაცხადა, რომ მზად იყო „ლივერპულში“ დარჩენილიყო, თუმცა კლუბიდან ამისი სურვილი ვერ დაინახა. მიმდინარე სეზონის დაწყებამდე ნიდერლანდელი პსჟ-ს თავისუფალი აგენტის სტატუსით შეუერთდა.

„რამდენიმე თვის წინ, „ლივერპულში“ დარჩენის სურვილი გამოვხატე, თუმცა დეტალებს რომ არ ჩავეძიოთ, კლუბმა არ მაგრძნობინა, რომ ჩემი შენარჩუნება სურდა. ასეთ შემთხვევებში კი გუნდი უნდა დატოვო.“ - განუცხადა ფრანგულ L`Equipe-ს ვეინალდუმმა.

ჟორჟინიო „ლივერპულმა“ 2016 წელს „ნიუკასლიდან“ დაიმატა. „წითლების“ მაისურით ნიდერლანდელმა 237 მატჩი ჩაატარა, გაიტანა 22 გოლი და 16 საგოლე გადაცემა შეასრულა. „მერსისაიდელების“ რიგებში ვეინალდუმი პრემიერლიგის და ჩემპიონთა ლიგის გამარჯვებული გახდა.

0.138996