ფეხბურთი

15:48 | 30.05.2020 | ნანახია [] - ჯერ

პაპუნაშვილიც კვიპროსში? - ქეცბაიამ ქართველის ტრანსფერი მოითხოვა

საქართველოს ნაკრების ფეხბურთელი გიორგი პაპუნაშვილი შესაძლოა „ანორთოსისში" ვიხილოთ. როგორც ცნობილი გახდა, თემურ ქეცბაია „სარაგოსას“ შემტევით პირადადაა დაინტერესებული.

სწორედ ამ საკითხის გამო კვიპროსული გამოცემა 24Sports.com.cy-ი არაგონელთა ტექნიკურ დირექტორ ლალო არენდეგს დაუკავშირდა.

„პაპუნაშვილს „სარაგოსასთან“ კონტრაქტი 2022 წლამდე აქვს გაფორმებული. ჯერ არ ვიცით რას გავაკეთებთ ზაფხულში, რადგან მანამდე სეზონი უნდა დავასრულოთ. ერთადერთი, რაც ახლა გვაწუხებს, რა თქმა უნდა კორონავირუსის პანდემიაა და ამაზე ბევრი იქნება დამოკიდებული. „პანათინაიკოსს“ ჩვენთვის ოფიციალური წინადადებით არ მოუმართავს, თუ მათ ქართველი სურთ, უნდა მოგვმართონ“, - თქვა ესპანელმა.

მოგეხსენებათ, პაპუნაშვილს იანვრიდან მოყოლებული ათენის „პანათინაიკოსს“ უკავშირებენ, მაგრამ საკითხი წინ არ წასულა. ჩვენებურმა კი, 6-თვიანი იჯარით „რასინგს“ მიაშურა.

ახლა უკვე ფმააგუსტას „ანორთოსისიც“ დაინტერესედა, რომელიც ქართველებისთვის მეტად ნაცნობი ადგილია. შეგახსენებთ, პაპუნაშვილი „სარაგოსაში“ 2017 წელს გადავიდა (58 მატჩი, 13 გოლი).

0.149361