ფრანგული „მონპელიეს“ გულშემატკივრებმა ქართველი მორაგბეები, მამუკა გორგოძე და მიხეილ ნარიაშვილი დააფასეს.

კლუბის ვებგვერდზე ორი კვირის განმავლობაში გამოკითხვა მიმდინარეობდა, რომლის შედეგადაც ყველა დროის სიმბოლური ნაკრები დაასახელეს. საუკეთესო XV მორაგბეში ორი ჩვენებური მოხვდა.

შეგახსენებთ, მამუკა გორგოძე „მონპელიეში“ 2005-2014 წლებში ირჯებოდა და 168 მატჩში 135 ქულა მიითვალა, ხოლო მიხეილ ნარიაშვილი ფრანგულ გუნდში 2010 წლიდან დღემდე თამაშობს და 135 შეხვედრაში 15 ქულა შესძინა საკუთარ კლუბს.