საქართველოს მორაგბეთა ნაკრები 18 ივლისს მსოფლიოს მოქმედ ჩემპიონ სამხრეთ აფრიკას ეწვევა და ამხანაგურ შეხვედრას ჩაატარებს. აღნიშნული ინფორმაცია ცოტა ხნის წინ „ბოკეს“ ვებგვერდმა ოფიციალურად დაადასტურა.

„ბორჯღალოსნები“ სამხრეთ აფრიკაში ისტორიაში პირველად ითამაშებენ. გეტყვით იმასაც, რომ მსოფლიოს ჩემპიონები ივლისში სამ სპარინგს გამართავენ, საქართველომდე ორი ტესტმატჩი შოტლანდიასთან 4 და 11 ივლისს ექნებათ.

საქართველოს ნაკრებს სამხრეთ აფრიკასთან აქამდე ერთხელ უთამაშია. 2003 წლის მსოფლიო თასზე, სიდნეიში „ბორჯღალოსნების“ 19:46 დამარცხდნენ. 18 ივლისს ჩანიშნული მატჩის დაწყების ზუსტი დრო კი, მოგვიანებით გახდება ცნობილი.