იაპონიაში მიმდინარე მსოფლიო თასზე ნახევარფინალი დაკომპლექტდა. ინგლისის, ახალი ზელანდიისა და უელსის ნაკრებებს სამხრეთ აფრიკა შეუერთდა, რომელმაც დასკვნით მეოთხედფინალში მასპინძელი იაპონია დაამარცხა.
ტოკიოში გამართულ შეხვედრაში „ბოკე“ უკვე მეოთხე წუთზე მაპიმპის ლელოთი დაწინაურდა, რასაც იუ ტამურამ ზუსტი ჯარიმით უპასუხა. პირველ ტაიმში გუნდებს მეტი ქულა არ მოუპოვებიათ და უნდა აღინიშნოს, რომ აზიელები მრისხანე მეტოქეს გვარიან წინააღმდეგობას უწევდნენ.
თუმცა, მეორე ნახევარში სურათი აბსოლუტურად შეიცვალა. სამხრეთ აფრიკამ იაპონია ცალსახად დაჯაბნა და ეს საბოლოო ანგარიშშიც აისახა - 3:26. „ბოკემ“ გამარჯვება დაიმსახურა და დაამტკიცა, რომ ძალიან ძლიერია. თავის მხრივ იაპონიის ნაკრები მსოფლიო თასის ნამდვილი აღმოჩენაა და ჯგუფურ ეტაპზე დიდებულად ითამაშა, რამაც მისდამი პატივისცემა ერთი-ორად გაზარდა.
ნახევარფინალური მატჩები 26-27 ოქტომბერს გაიმართება, წყვილები კი ასეთია: ინგლისი - ახალი ზელანდია, უელსი - სამხრეთ აფრიკა.
იაპონია - სამხრეთ აფრიკა 3:26 (3:5)
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
Afrika- Zelandia finali, ufro damajereblad moigebs zelandia finals vidre jgufshi itamashes
მეოთხედფინალები ლოგიკურად დასრულდა. მსოფლიო თასისთვის ჩრდილო და სამხრეთ ნახევარსფეროების ორ-ორი ალალად საუკეთესო გუნდი გააგრძელებს ბრძოლას.
პრინციპში ამ ოთხი გუნდის გარდა მაღალი დონე არც არავის უჩვენებია ტურნირზე. ნუ, იაპონიას ცალკე ავღნიშნავ - დიდებულად მომზადებული გუნდი ჰყავდათ. შესაძლებლობებიდან გამომდინარე საკუთარ თავსაც კი გადაახტნენ.
ნახევარფინალში კი უკვე მცირე სენსაციებსაც ველი. ჩემი აზრით ევროპულ ფინალს ვიხილავთ.