უელსის ეროვნულმა ნაკრებმა მსოფლიო თასის ჯგუფური ეტაპის მეორე მატჩში ავსტრალია 29:25 დაამარცხა და ჯგუფში ერთპიროვნულად გალიდერდა. პირველი ტაიმი უელსმა 23:8 მოიგო. მეორე ტაიმში ავსტრალია გამოფხიზლდა, თუმცა თამაში ვერ შემოატრიალა.
საბოლოოდ. ავსტრალიამ ერთი ქულა მცირე სხვაობით წაგების გამო მიიღო, ხოლო უელსმა ოთხი ქულა დაიმსახურა და ცხრა ქულით პირველ ადგილზეა. მეორე პოზიციაზე ავსტრალიაა ექვსი ქულით, ხოლო მესამეზეა საქართველო ხუთი ქულით, რომელმაც ურუგვაი პრემიალური ქულით დაამარცხა.
D ჯგუფში ფავორიტებად უელსსა და ავსტრალიას მიიჩნევენ და ევროპელებმა უშუალო კონკურენტის დამარცხებით ფაქტობრივად გაინაღდა პირველი ადგილი. მომდევნო მატჩს უელსი ფიჯისთან 9 ოქტომბერს ჩაატარებს, ხოლო ავსტრალია ურუგვაის 5 ოქტომბერს დაუპირისპირდება.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ფიჯის უნდა მოვუგოთ და მერე რათქმა უნდა ფანტასტიკის სფეროა მაგრამ ავსტრალიას თუ მოვუგეთ ჯგუფიდან გავდივართ, ისე ავსტრალია ირლანდიის დონის გუნდია და აგერ იაპონიამ კი დაანგრია, ასევე ფიჯი ურუგვაიზე იმდენით ძლიერია რამდენითაც ავსტრალია ჩვენზე თუმცა კი მოუგო ურუგვაიმ, იმის თქმა მინდა რომ რათქმაუნდა ავსტრალიის დამარცხება სენსაცია იქნება მაგრამ იმ დონის სენსაცია როგორიც ორჯერ უკვე მოხდა