ფრანგული “კლერმონის” ვეტერანი ქართველი მორაგბე დავით ზირაქაშვილი ტოპ 14-ს მე-10 ტურის სიმბოლურ ნაკრებში მოხვდა.
შეგახსენებთ, რომ გასულ ტურში “ვულკანებმა” “ლიონი” 31:11 დაამარცხეს, 35 წლის ქართველი ბურჯი კი სასტარტო რაზმში იყო და 71-ე წუთზე შეცვალეს. ამავე მატჩში ბექა კაკაბაძემ მინდორზე 54 წუთი გაატარა.
საინტერესოა, რომ ზირაქაშვილი კლერმონელთა ღირსებას 2004 წლიდან იცავს და ზურგს 254 მატჩი უმაგრებს, საქართველოს ნაკრებში კი, სადაც კარიერა უკვე დასრულებული აქვს, 53 კეპი აქვს მოხვეჭილი.
ვთქვათ ისიც, რომ “კლერმონმა” 37 ქულა მოაგროვა და საფრანგეთის ჩემპიონატს ერთპიროვნულად ლიდერობს, მომდევნო შეხვედრა კი 1 დეკემბერს, სტუმრად, “მონპელიესთან” ელის.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ვულოცავ ჩვენს საამაყო ქართველ ლომს. ამ ასაკშიც კვლავ მოწოდების სიმაღლეზეა. შერკინება კი ისეთი დონის გვყავს და ისეთი არჩევანი გვაქვს, მსგავსი დონის შემსრულებლები და კონკურენცია ღერძზე და უკანა ხაზშიც რომ გვქონდეს, ტოპ-5 გარანტირებულად ვიქნებოდით.
გაისად სამსოფლიოდ დავითმა და მამუკამ, რომ გადახედო თავის გადაწყვეტილებას და ნაკრებში დაბრუნდნენ ძალიან კარგი იქნებოდა.
მხოლოდ სპორტულთან ერთად წმინდა ფსიქოლოგიური მომენტიც არის მოწინაღმდეგისათვის, როდესაც მსოფლიო დონის აღიარებულ ვარსკლავს უპირისპირდება + მსაჯები. მახსოვს წინა მსოფლიოზე მამუკას, როგორი მოწიწებით ესაუბრებოდნენ მსაჯები.
პირველ ხაზში არ გვაქ არანაირი პრობლემა ამიტომ წავიდა ზირაქა 2015 წელს რომ იცოდა გუნდს არ გაუჭირდებოდა მისი შეცვლა, მაგრამ ეს იმას არ ნიშნავს რომ ზირაქა რომელიმე გუნდს თუნდაც მსოფლიოს ნებისმიერ ნაკრებს არ დაამშვენებდა, უბრალოდ ერთი რაშიც ნამდვილად არ გვიჭირს და დიდი კონკურენციაა 1-3 ნომრებია, ნარიაშვილი ჩილაჩავა ფეიქრიშვილი ქუბრიაშვილი ჟვანია ასეიშვილი გოგიჩაშვილი გიგაშვილი. აი მამუკა კი მართლა დიდი ძალა იქნება ყველა კუთხით თუ მსოფლიოზე გუნდში დაბრუნდება
აბა რა დავითი მსოფლიოს ნებისმიერ ნაკრებში სასურველი წევრი იქნებოდა. სასიხარულოა რომ ის ასაკის მიუხედავად ძალიან მაღალ დონეზე თამაშობს.
.
მიუხედავად ბურჯების დიდი კონკურენციისა ჩვენს ნაკრებში დავითი მაინც არ მეთმობა