საქართველოს ნაკრების და “ბათუმის” მესამეხაზელი გიორგი თხილაიშვილი მოედანს ოქტომბრის ბოლოსთვის დაუბრუნდება.

27 წლის მორაგბემ მხრის ოპერაცია გასული სეზონის ბოლოს გაიკეთა. როგორც ირკვევა, გიორგიმ მკურნალობა დაასრულა, სარეაბილიტაციო პროცესს გადის და ოქტომბრის ბოლოსთვის მინდორზე ვიხილავთ.

შეგახსენებთ, რომ თხილაიშვილს საქართველოს ნაკრების კვართით 45-ჯერ უთამაშია და 10 ლელო აქვს გატანილი.