საქართველოს ნაკრების და “ბრივის” მარცხენა ბურჯი კახა ასიეშვილი მძიმედ დაშავდა. ფრანგული პრესის ინფორმაციით, 31 წლის ქართველი ერთ-ერთ ვარჯიშზე მძიმედ დაშავდა და შესაძლოა, პრო დ2-ის 2018/2019 წლების სეზონი მთლიანად გამოტოვოს.
როგორც ირკვევა, “ბორჯღალოსანმა” პირველხაზელმა მუხლის ჯვარედინი მყესები გაიწყვიტა და მინიმუმ 6 თვის განმავლობაში ვერ შეძლებს თამაშს, ხოლო უარეს შემთხვევაში 9 თვემდე შეიძლება მოუწიოს უქმობა.
კახა “ბრივს” 2013 წელს “ორიაკიდან” შეუერთდა. ხუთი სეზონის განმავლობაში 104 შეხვედრა ჩაატარა და 11 ლელოს გატანა მოახერხა.
ასიეშვილი, რომელსაც საქართველოს ნაკრების კვართით 41-ჯერ უთამაშია, მიხეილ ნარიაშვილის პირველ შემცვლელად ითვლება და რამდენად მოასწრებს მომავალ მსოფლიო თასის დაწყებამდე ფორმაში შესვლას, რთული სათქმელია...
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ვუსურვოთ მალე გამოჯანმრთელება. ძალიან დაგვაკლდება ნოემბრის ტესტებზე.
ღმერთმა მალე პეხზე დაგაყენოს! ძალიან ჭირდება ნაკრებს. ვინმემ ხომ არ იცით რფგბი ტვ პრო დ 2 ს აღარ აჩვენებს? მივწერე და პასუხი არ მაღირსეს. ტოპ 14 ის თამაშებს ადრე სპორტ ლემონის სტრიმით ვუყურებდი და ახლა ვერ ვრთავ, რამე მირჩიეთ. სეტანტა გინდ ყოფილა გინდ არა, სულ 7 თამაშია ტურში და ერთ აჩვენებს , ისიც ყველაზე უინტერესოს
მე eurosportplayer.com ის პროდ 2 ის პაკეტი ვიყიდე 5 ევროდ თვეში და პროდ2 ის ყველა თამაშია აქ, წლიური 24 ევრო ღირს. დამტანჯა ამ სტრიმებმა და ახლა დავისვენე.