შოტლანდიის ნაკრების მთავარი მწვრთნელი გრეგორ თაუნსენდი, დაკავებულ თანამდებობაზე 2021 წლამდე დარჩება. აღნიშნული ინფორმაცია შოტლანდიის რაგბის კავშირის ოფიციალურმა ვებგვერდმა დაადასტურა.

თაუნსენდის გარდა, ხელშეკრულება გახანგრძლივდა მის თანაშემწეებთან: მეთ ტეილორთან და მაიკ ბლეირთან.

45 წლის სპეციალისტი შოტლანდიის ნაკრებს სათავეში 2017 წელს ჩაუდგა და ჯერჯერობით საკმაოდ კარგი შედეგები აქვს. მისი ხელმძღვანელობით “ნარშავებმა” 14 შეხვედრა ჩაატარეს, საიდანაც 9 მოიგეს და 5 დათმეს. განსაკუთრებით აღსანიშნავია, ავსტრალიის ნაკრებთან საშინაო და საგარეო გამარჯვებები და 2018 წლის 6 ერზე ინგლისთან “მარიფილდზე” მოგება. ამ 14 მატჩში შოტლანდია საშუალოდ 4 ლელოს დებდა.

ცნობისთვის, წლევანდელ 6 ერში შოტლანდიამ სამი თამაში მოიგო და გათამაშება მესამე ადგილზე დაასრულა.

იმასაც შეგახსენებთ, რომ 2019 წელს “ნარშავები” საქართველოს ნაკრებს “მარიფილდზე” და “დინამო არენაზე” შეერკინებიან.