უელსის ნაკრების და “ოსპრეიზის” მესამეხაზელი დენ ლიდიეტი მიმდინარე სეზონში ვეღარ ითამაშებს. 30 წლის მორაგბეს ორთავა კუნთი აქვს დაზიანებული და საოპერაციოა.

აღნიშნული ინფორმაცია “ოსპრეიზის” სამედიცინო პერსონალის მენეჯერმა კრის ტაუერსმა დაადასტურა: “კონსულტაციების შემდეგ მივიღეთ გადაწყვეტილება, რომ ლიდიეტის ოპერაცია ჩაუტარდება. ეს მისი ინტერესებისთვის საუკეთესო არჩევანი იყო. ოპერაცია მიმდინარე კვირაში ჩატარდება, ხოლო დენი მიმდინარე სეზონში ვეღარ ითამაშებს”.

ამრიგად, ლიდიეტი 2018 წლის 6 ერის ჩემპიონატს გამოტოვებს. ის უელსის ნაკრებში 2009 წლიდან თამაშობს და 59 მატჩში 1 ლელო აქვს გატანილი. “ოსპრეიზის” ღირსებას კი 2014 წლიდან იცავს და 36 თამაში 1 ლელოს დადება მოახერხა.