გაირკვა ის სტადიონები, რომლებზეც საქართველოს ეროვნული ნაკრები 2017 წლის რაგბი ევროპის ჩემპიონატის შეხვედრებს გამართავს.

ამ ტურნირის ფარგლებში წელს „ბორჯღალოსნები“ სამ მატჩს სტუმრას და ორს შინ გამართავენ. პირველ მატჩში, 11 თებერვალს ბელგიას ბრიუსელში ვეთამაშებით და შეხვედრა თბილისის დროით 18 საათზე დაიწყება, ხოლო თებერვალს გერმანიას რუსთავში, რაგბის სტადიონზე მივიღებთ. მატჩი 15 საათზე იწყება.

4 მარტს ესპანეთს პატარა პროვინციულ ქალაქ მედინა დელ კამპოში ვეწვევით, რომლის მოსახლეობაც მხოლოდ 22 ათასია და მუნიციპალური სტადიონი 1500 მაყურებელს იტევს, თუმცა სპეციალურად ქართველებთან მატჩისთვის, სტადიონს რეკონსტრუქცია უტარდება და მისი ტევადობა 6500-მდე გაიზრდება.

12 მარტს საქართველო რუსეთს 54-ათასიან „დინამო არენაზე“ უმასპინძლებს, ხოლო ტურნირს 19 მარტს ბუქარესტში, რუმინეთთან ჯახით დაასრულებს. თბილისური შეხვედრა 15 საათზე დაიწყება, ხოლო რუმინეთს 17 საათზე ვეთამაშებით.