იტალიელთა კატასტროფული მარცხის შემდეგ, უელსელმა ჟურნალისტებმა კიდევ ერთხელ კითხეს „აძურას“ კაპიტან სერხიო პარისეს, თუ რას ფიქრობდა ის საქართველოსთან პლეი ოფის გამართვაზე და ამ საკითხს ბრიტანელებმა სპეციალური სტატია მიუძღვნეს:

„დაახლოებით 2 ათასი მილის დაშორებით, 55 000 ადამიანი, რომელმაც „დინამო-არენაზე“ საქართველოს რუმინეთთან გამარჯვებას უყურა, კითხულობს, თუ რა უნდა გააკეთოს მეტი მათმა საყვარელმა გუნდმა, რათა საქართველო ექვს ერში შეუშვან.

სანამ საქართველო და რუმინეთი საკუთარ რიგს ელოდა, უელსმა იტალია 67:14 გაანადგურა. სწორედ იტალიის უელსთან სარეკორდო მარცხი გახდა ექვსი ერის კარის გახსნის საკითხის განხილვის საგანი. ქართველთა პროგრესმა და იტალიის მარცხმა გამოიწვია დებატები სტრუქტურულ ცვლილებებზე. უელსს არასდროს აუღია ქულები ასე იოლად და იტალიის მომავალ მწვრთნელ კონორ ოშის, უზარმაზარი სამუშაოს ჩატარება მოუწევს.

თუმცა, იტალიის კაპიტანი სერხიო პარისე ისევ დამცინავ განცხადებას აკეთებს:

„თუ ვინმე გადაწყვეტს, რომ ჩვენ პლეი ოფამდე უნდა ჩამოვქვეითდეთ, ამას 100-პროცენტით მივიღებთ, მაგრამ ვფიქრობ, ეს უბრალოდ სასაცილოა. ჩვენ სხვა ერებისგან პატივისცემა დავიმსახურეთ. როდესაც მატჩს აგებ, ნორმალურია ადამიანები დაქვეითებაზე რომ იწყებენ საუბარს, მაგრამ შეგიძლიათ წარმოიდგინოთ, რომ მომავალ წელს ირლანდია, ან საფრანგეთი გავლენ ბოლო ადგილზე და ისინი უნდა დაქვეითდნენ?“.

მოამზადა ნინუცა კაპანაძემ